為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 14 日

魏駿傑脹爆兩個碼

現年五十一歲嘅魏駿傑,早年喺內地搵人仔,近年則半退休幕前工作,專心發展佢嘅食肆生意。皆因佢想多啲時間留喺香港陪住屋企人,陪住嫩妻張利華,同八歲大嘅囡囡Jessica。

早前,東姑就喺九龍城街市附近嘅食材舖頭,撞到魏駿傑喺度買餸。近年養尊處優嘅佢,身形足足脹爆咗兩個碼,搞到肚腩凸凸、面珠脹卜卜,真係福相咗唔少。

現場所見,佢仲非常之住家男人,孭住個環保袋,好熟悉咁喺舖頭捐窿捐罅,選購應節嘅糭,似係為端午節做準備,真係廿四孝到加零一喇!

魏駿傑與年輕廿年嘅內地妻張利華,育有八歲大嘅囡囡Jessica,而佢更自認錫女錫到燶。

 

脹爆兩個碼嘅魏駿傑,拎住個環保袋去買餸,十足住家男人。

 

喺舖頭門口揀糭嘅佢,睇嚟正為端午應節做準備。

 

喺舖頭入面捐窿捐罅揀食材嘅佢,同店員仲好好傾,相信係買慣嘅熟客仔。