為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 06 月 14 日

律師會反逃犯例 彭韻僖左右做人難

修訂《逃犯條例》引起法律界爭議,一向被視為立場比較親建制嘅律師會遲遲未表態,但業界反響似乎唔細,發起近三千名律師穿上黑衣參與靜默遊行,來勢洶洶。律師會亦隨即發聲明,指修例帶來重大深遠影響,建議政府擱置修例,份意見書嘅立場相對強硬,唔少政界中人睇完都愕咗然。話題焦點當然落喺啱啱冧莊做會長嘅彭韻僖何解表現咁激?作為律師會首位女會長,彭嘅形象向來溫和,以往被問到點睇「港獨」,都係以「唔知、唔講住」輕輕帶過。今次就逃犯例「硬起來」,聽聞佢承受唔少壓力。

有律師會中人透露,會內近年相當政治化,「藍黃」壁壘分明,親建制會員不時成為被狙擊對象,「前排有親建制成員為年輕人搞模擬立法會活動,就算落足心機做,都被人批評搞得差,話要拉佢落台之類,試問會長點會唔畀人啄到實一實!」難怪彭韻僖事後就律師會反修例接受傳媒訪問時話風一轉,形容擱置草案只係會內「一小撮人的意見」,莫非想為事件降降溫?!

形象溫和嘅彭韻僖近日亦「硬起來」反修例,令部分法律界中人感錯愕。

 

法律界發起反修例黑衣遊行,近三千人出席。