為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 07 日

爆《愛•回家》豹叔 與3影后曖昧關係

《愛•回家之開心速遞》引起全城熱話,飾演「豹叔」的黎彼得,在劇中與劉丹、羅樂林、陳榮峻組成的耆英Hip Hop組合「大四喜」,大受觀眾歡迎;繼而其「鬼馬填詞人」的身份,再次備受關注。

現年六十九歲的黎彼得,是香港填詞界的翹楚。由於,他做過麻雀館睇場及熱愛賭馬,故其作品〈打雀英雄傳〉、〈浪子心聲〉等都膾炙人口。而他至今仍熱衷賭馬仔,不時入馬場搏殺。此外,他因才華洋溢,而獲得不少女星黐埋身;早前,他就自爆曾與三位影后有過「宿一宵」的親密關係,羨煞旁人。

黎彼得在《愛》劇中一句:「填詞之嘛,阿叔強項!」令不少觀眾紛紛回想起他填詞人的身份,以及其操刀創作的歌詞。

 

歌詞鬼馬

最近,黎彼得在《愛•回家之開心速遞》中,與劉丹、羅樂林、陳榮峻組成耆英Hip Hop組合「大四喜」一炮而紅,四人憑住一句:「乜嘢叫做IG,我哋唔知。」rap出話題。Rap歌片段紅爆網絡,他們更隨即獲邀「過大海」,到澳門出席活動搵真銀,而黎彼得的「鬼馬填詞人」身份,再次備受關注。

黎彼得與黃霑、盧國沾、鄭國江都是香港第一代粵語流行曲的填詞人,至今填詞量逾二百首。他喜用通俗俚語作歌詞,顯淺又充分反映世情,既諷刺時弊且毫不低俗,連當年無綫的台歌:「成功非關僥倖,皆因靠合羣,時刻相對共親近,家家睇無綫。」亦是出自其手筆。

七十年代,他跟歌神許冠傑是最佳曲詞組合,經典作品多不勝數,例如:〈浪子心聲〉、〈打雀英雄傳〉、〈財神到〉、〈尖沙咀Susie〉等。八十年代,他為張國榮填了一首膾炙人口的〈Monica〉,從此令對方大紅大紫,亦成為其心中的恩人,二人經常相約到麗晶酒店喝咖啡。九十年代尾,他則為黃子華填了一首充滿睿智,大人細路都琅琅上口的〈做馬仔〉。黎彼得的中文造詣雖然不凡,但他原來小五已輟學,靠賣報紙幫補家計,更做過麻雀館睇場,油站入油員及司機等。

八十年代是黎彼得最風光的歲月,填詞、拍電影、開咪做電台節目,每日揸Benz跑出入,身邊都是巨星紅人朋友。之前,他接受劉玉翠訪問時,就自爆當年與三大影后的過夜親密關係;不過,他強調當年三位女星都是「影前」,後來才成為真正的影后。

有「鬼馬填詞人」之稱的黎彼得,近年因兒子北上讀醫,放假時經常孤家寡人;所以,他日前便相約吳孟達及幾個老友記,入沙田馬場搏殺。

 

星級艷福

「第一個(影后),啱啱掟完煲,挽住兩個篋嚟,唔好開名!佢喺我屋企度過夜,冇問題啦!只要個女仔覺得你係絕緣體,又唔覺得你係基佬,就適逢其會啦!佢就挽住兩個篋嚟撳鐘啦,呢個,係其中一個影后。 」

「另一個(影后),又係喺我屋企度瞓嘅,當然冇『扭嚿』嘢啦!大家要明解呢個原因先,我第二日先知死,接到電話,『聽講你噚晚有人嚟借宿一宵,你有冇搞人?』打嚟嗰個仲要係靚仔小生,咁嘅料佢都索到嘅?但,其實我哋真係好正經⋯⋯其實應該搞,做乜嘥咗呢?人哋都預咗你,但當你明確咗自己嘅身份,而你覺得唔好搞啦,狡兔不食窩邊草,原則嚟嘅,唔好呢度食,呢度屙!非不能也,此乃不為也!」

「第三個(影后),唔知講唔講得呢?佢係為咗避記者,喺我度瞓咗一個禮拜,我仲打畀佢老竇講,你個女喺我度一個禮拜,得o架嗱?佢老竇話:『得啦,慳啲啦你,畀你都唔夠膽啦!』真事嚟,我唔開名,又係影后。仲唔止一晚,仲要係七晚。」

八十年代,劉嘉玲(中)拍畢《新紮師兄》後, 廣東話依然講得唔好,黎彼得(左)便教她睇新聞學廣東話,至今她的廣東話字正腔圓。