為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 06 月 07 日

建人工島缺願景 謝偉銓差啲要投反對票

政府提出「明日大嶼」計劃,早前向立法會申請五點五億元撥款做顧問研究,最終順利獲通過。但申請撥款一事,背後原來有段小插曲。

話說政府份申請撥款文件出台後,來自建築、測量、規劃及園境建築界嘅代表睇完後頗有微言,認為文件花唔少篇幅講如何進行基礎設施研究,但講到最令人關注嘅設計構思時,就只提咗幾句:「為鄰近交椅洲的人工島進行詳細的規劃及工程研究,以訂定填海範圍、土地用途,以及其技術可行性……」

寥寥百幾字就講完,完全冇業界多次促請政府要加入嘅「規劃願景」、「以人為本」等元素。一班專家覺得意見唔受重視,馬上派代表向立法會議員謝偉銓反映不滿,仲話唔會贊承撥款咁話。

發展局局長黃偉綸得知業界反應咁大,拿拿臨約見謝偉銓同業界代表,傾完一輪終於承諾會將願景同規劃先行,又話會為交椅洲人工島制定一個可持續嘅宜居城市,並答應會建立零碳排放嘅先導區。建測業界聽到局長咁講,先答應支持撥款。

本刊向謝偉銓查問呢件事,佢承認業界對人工島新規劃抱好大期望,唔希望政府走番舊路,以「基建主導」、「工程主導」,造成「基建功能單一化」,犧牲城市規劃。

政府答應會重視「明日大嶼」人工島設計,加入以人為本、城市規劃嘅願景,所以申請顧問研究撥款時,謝偉銓便代表業界投贊成票。