為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 06 月 02 日

莊思敏唔易養

外表「烈女」嘅莊思敏(Jacquelin),自從一一年同拍拖五年嘅吳浩康分手後,跟住就同廖碧兒舊愛林忠豪及導演葉念琛傳過緋聞,但冇個係真命天子。Jacquelin曾經同東姑講,心急嘅莊媽媽,除咗經常傳男仔照片畀佢之外,仲好落力幫佢安排相睇,而佢就話鍾意成熟穩重型嘅男士喎。

身為馬來西亞拿督千金嘅Jacquelin,出身富貴,家族身家估計高達八億,物質上可謂要乜有乜。日前,東姑就喺時代廣場見到剛去超市「血拼」完嘅Jacquelin。現場見佢連去超市買嘢都着到行騷咁,黑蕾絲上衫,孭埋七萬蚊嘅愛馬仕手袋,仲有呀,佢斜戴嗰條香奈兒長頸鏈都要萬幾蚊,成身名牌,真係唔係好多港男養得起佢。

當日着得花枝招展嘅莊思敏,行街都已經好似出騷咁款。

 

呢條萬幾蚊嘅香奈兒長頸鏈,好少有人咁樣戴,莊思敏嘅品味認真獨特。

 

夏天剛開始,莊思敏已經急不及待着三點式亮相。