為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 31 日

郭政鴻周身名牌子

近年轉戰內地嘅郭政鴻,雖然少咗見佢亮相,但收入就比較佢之前留喺無綫時大大提升。東姑收到風,除咗拍內地劇,佢亦都係內地酒吧嘅登台常客,每場唱四首歌,收人仔三至五萬不等,一個月閒閒哋十場、八場,賺到盤滿缽滿,唔怪得人人都話返內地掘金。

早前,東姑就喺九龍城巧遇郭政鴻。當日,佢着到全身黑色,包括:黑帽、黑Tee、黑褲,襯對白色波鞋,成個潮童上身咁。仲有,逃唔過東姑嘅法眼,佢一身嘅裝束其實都係名牌子,價錢一啲都唔平。

好似佢着嗰對鞋就係Alexander McQueen,仲要係加窩釘嘅特別版,售價超過五千蚊;而佢身穿嗰件Balenciaga嘅Tee,都接近三千蚊。全身上下,睇落着得causal,實則身光頸靚,就知佢呢期富貴撈得掂啦!

 

 

全身黑白潮look嘅郭政鴻,件Tee睇落隨便簡單,實則係Balenciaga名牌貨,售價近三千蚊;而腳上穿着呢對Alexander McQueen波鞋,係有窩釘嘅特別版,盛惠五千幾蚊。

 

好守規矩嘅郭政鴻,喺燈位等咗好耐,等轉晒綠公仔先過馬路。

 

家住鑽石山嘅郭政鴻,睇嚟情有獨鍾九龍城,東姑不時喺呢區嘅小店,發現佢嘅蹤迹。

 

據悉,郭政鴻除咗拍內地劇,亦都係內地酒吧嘅登台常客,每場唱四首歌,收人仔三至五萬不等,一個月閒閒哋十場、八場,賺到盤滿缽滿,難怪可以周身名牌。