為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 06 月 01 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

「逢車過車」不如「車見車載」

中國第一部自行製造汽車出廠,可以追溯到民國年代,但汽車行業真正起飛應該由呢個世紀初開始,而到二○○九年中國已經成為全球汽車生產第一大國。內地汽車業連續多年增長之後,今年首次錄得負增長,根據中汽協數據一八年中國汽車產銷分別為二千七百八十萬及二千八百萬輛,分別下跌百分之四點二及二點八。不過,我見到廣汽集團(2238)喺逆勢中站穩陣腳,一八年全年產銷近二百二十萬和二百一十萬輛,分別增百分之八點八和七點三,銷量增幅高於行業平均,國內市佔率提高到近百分之七點七。全年營業額微升百分之一至近七百二十四億元(人民幣,下同);純利一百○九億元,同樣增百分之一。在大圍環境欠佳情況下,呢份業績算係穩陣可取。

早排我上咗一轉番禺參觀廣汽集團專門生產新能源汽車嘅最新廠房。新能源汽車係十三五規劃下其中一項,配合國家減排目標,好多車企都積極投放資源開發新能源車,希望喺呢個新市場分一杯羹。工信部估計今年內地新能源車產量逾一百五十萬輛,首四個月已產近三十七萬輛,按年增長五成八,而且新能源車目前佔私家車比例只得百分之三,說明呢個板塊有一定潛力。一八年廣汽新能源車銷量突破兩萬輛,而公司研發嘅中高級智能轎車Aion S今年三月初開始預售,一個月內已收到近兩萬輛訂單,意向訂單近五萬輛,銷情理想。

新能源汽車概念都係近年興起,配套設施仲未完善,好似香港都唔夠充電站,有時要排好耐先叉到電。廣汽為Aion S推出增值服務,包括代客充電、免費道路救援等。其中充電服務會有專業團隊上門提供服務,叉完再按客人要求將部車送去指定地點,幫車主慳返唔少時間。

參觀完廠房,我當然要親身體驗一下Aion S,雖然唔可以自己揸,但總算坐返一轉。呢部係中國首款純電續航力達到五百一十公里嘅車型,並配備騰訊車聯系統,提供智能語音、實時導航、AI找(充電)樁、社交出行和QQ音樂等功能。同時應用太陽能科技打造智能生態座艙,車內自動通風及為電池叉電。工作人員示範雙手離開方向盤超過十五秒,部車會提出警示。公司目前有二十八個在研整車項目,我期待不久將來可以試吓其他新出品。

中美科技貿易戰提醒我哋,要發展根基穩固,自主研發和品牌能力非常重要。見到廣汽在自主創新方面,積極研發新能源汽車所需嘅關鍵系統部件,至於自主品牌今年首四個月銷售下滑,則仍需努力。畢竟高速發展難以持久,企業不能一味追求產銷增幅,當市場轉入低增長軌道,做大不如做好、做得精,要令產品愈來愈得人喜愛。「逢車過車」嘅超高速增長時代已經過去,我希望見到公司可以做到「車見車載」,品牌受愛戴,發展至夠穩陣。

廣汽集團剛推出Aion S新能源汽車。