為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 05 月 24 日

黨友嫌惹火失控 許智峯提早被DQ

民主黨立法會議員許智峯去年四月涉搶保安局女職員手機,案件今個月二十七日會有裁決,許智峯會否被定罪,並因而失去立法會議席雖然仍未知,不過最近就傳出,嚟緊十一月嘅區議會選舉,身兼中西區區議員嘅佢,好大機會無得參選,仲要DQ佢嘅並唔係選委會,而係佢嘅黨友。

話說民主黨裏面,唔少人早已覺得許智峯不單行為魯莽做事唔經大腦,為人亦甚惹火兼麻煩,發生「峯搶手機」事件後,已被民主黨凍結咗佢嘅黨籍,部分黨友亦開始疏遠佢。
不過佢自己就好似當冇事發生咁,除咗喺區議會繼續話自己係代表民主黨,亦繼續一貫作風,郁啲就走去搶人哋手上嘅文件。去年十一月民主黨換屆時,佢又博大霧想參選「港島區支部部委」、「中委會委員」同埋「民主青年」主席等職位。

喺城大法律系畢業嘅許智峯,加入民主黨係師承甘乃威同楊森,雖然佢上兩屆喺中西區區議會選舉,都成功打低對手,但係向來都有「政治潔癖」嘅民主黨高層,當然唔賣佢帳,不但拒絕佢參選黨內選舉,甚至喺籌備今年底嘅區議會出選名單時,即使仲未落實人選同排位,但就傳出唔會預佢,就係怕佢唔知幾時又失控惹禍累全家。

許智峯去年四月在立法會內涉搶走政府行政主任手機,被警方拘捕及起訴,案件將於本月二十七日裁決。