為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 05 月 23 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

到Rosewood打卡

最近睇到金融時報一篇訪問,受訪對象係新世界發展(0017)第三代接班人鄭志剛(Adrian),佢提到管理人要從消費者身上學習,亦要聽包括千禧代嘅年輕員工意見。我相信要為企業「保鮮」,管理者自己當然要開放思維,而創新既要放縱想像又要貼近消費者嘅心,兩者平衡就考功力嘞。今日消費者追求乜嘢?表面上睇,我哋去一個mall、餐廳、酒店、景點都鍾意打卡,咁係咪標奇立異呃下like就收貨?計我話關鍵一刻(moment of truth)係喺打卡之後。

消費者打完卡會親身體驗,而除咗產品同服務,整個環境畀人嘅感覺,甚至蘊含嘅文化內容、獨特個性,或者源自傳統和歷史嘅故事,至係真正能夠連繫消費者,令人產生共鳴,一再幫襯嘅關鍵。

紐約曼克頓西嘅Hudson Yards今年三月開幕,係美國歷史上投資最大嘅私人發展項目,集辦公室、豪華購物、娛樂、高尚住宅於一身,被譽為紐約新地標,開幕當日有上萬市民排隊入去參觀。新世界喺尖沙咀嘅Victoria Dockside一開幕,就被國際媒體稱為「香港版 Hudson Yards」,反映項目嘅定位得到認同。上年項目第一期開幕我即刻去參觀,已經留低深刻印象;剛過去嘅三月,項目之中嘅香港瑰麗酒店(Rosewood)開始營業,我當然要去打下卡。

瑰麗酒店有四百幾間客房和套房,秉承A Sense of Place理念,以地點嘅歷史、建築和文化承托酒店內涵。我最欣賞酒店通過藝術品講故事,並運用匠心設計帶出深厚傳統底蘊,令客人喺奢華體驗以外,感受到不同世代嘅精神。酒店另設瑰麗府邸,畀長租客人入住。酒店和府邸收入喺七月開始嘅財政年度可以全面反映。項目另有K11 ARTUS寓館,屬於服務式公寓,由五百幾呎開放式至近二千呎三房套房都有,共二百幾個單位。開放式單位都有露台,而最大戶型更設有酒窖、壁爐等,計劃於今年夏季開幕。

參觀之餘我亦去到酒店五樓「彤福軒」品嚐順德菜。作為集團前員工,粵菜廳名字特別有親切感,皆因取自新世界創辦人鄭裕彤和周大福,藉此向彤叔致敬。更加令我感受良多嘅係七間私人廂房分別以年份命名,好似 「一九五三」係紀念彤叔和太太結婚,代表真誠永恆、「一九五六」紀念周大福推出「四條九」足金、「一九七○」創立新世界等,可以話代表彤叔一生中最重要嘅里程碑。

彤福軒有專業侍酒師駐場,幫客人pair餐酒。酒單上有超過八百款葡萄酒,甚至精選干邑白蘭地和威士忌、中國燒酒,同埋由本地風味食材汲取靈感而創作嘅雞尾酒。除咗酒之外,亦有經典茗茶,以及我最啱嘅功夫茶。

新世界發展一九年中期業績中見到香港投資物業收入按年升百分之十三,主要由於租金上升和Victoria Dockside項目寫字樓部分(K11 ATELIER)提供全期貢獻。寫字樓面積現時出租率達九成半,二月份時成交呎租一百一十港元。相信今年寓館和商場開業後,項目整體貢獻可更上一層樓。

無敵維港景是Rosewood酒店其中一大賣點。