十八歲成人禮

十八歲總會是長大成人的開始。

十八歲總會訂囑自己不再幼稚。

十八歲總會對人生充滿希冀。

「寰亞孻女」黃淑蔓下月十八歲快樂生辰，正所謂「孻女拉心肝」，公司為她度身訂造新歌《Dream My Dreams》，又悉心布置少女心大爆發的MV場景，當作為她提早慶生，為「成人禮」揭開序幕！

在現場我突然感受自己重返十八歲。

看着黃淑蔓就像看見自己天真爛漫的日子，刻下的我會明白，不要長大得太快，想做就去做，做人不要畏首畏尾。

黃淑蔓真心熱愛唱歌的。

十四歲加盟公司，一邊讀書一邊追逐夢想是多麼幸福！

今次唱片公司特別邀請創作團隊，將她對音樂的決心和信念寫成新歌《Dream My Dreams》。淑蔓興奮地說：「我真係好開心，好多謝公司送咗首新歌俾我，歌詞內容就係我嘅信念，要不斷鼓勵自己勇敢追夢，找尋屬於自己嘅嘢，睇完啲歌詞令我更了解自己。」

收到好歌當然開心，而最窩心是公司為她打造一個有型又好襯她的MV場景，她抵達現場時驚喜得睜大眼睛和O晒嘴，她說：「最開心係見到我個英文名『Feanna』嘅燈牌，勁靚呀！仲有桌球枱，我第一次打桌球！今次拍MV比之前開心、enjoy得多，因為我好怕醜，要喺鏡頭前演另一個人，又唔知點樣擺甫士，感覺好尷尬！不過今次首歌係講我：黃淑蔓 Feanna，拍MV只要做返自己就得，尤其是跳舞，做返平時喺屋企發癲亂跳咁嘅自己就得！」

長髮披肩，抱著結他，盤膝坐在白色的梳化上，被很多個粉色的咕o臣和毛公仔包圍住，即時少女心大爆炸，拍通宵仍然笑不攏嘴！ 我笑問她十八歲想如何慶祝？她超興奮的說：「人生得一次十八歲，朋友們同我慶祝生日、同我一齊食蛋糕已經好開心，唔係唔送禮物俾我嘛？不過最重要都係爹哋媽咪送俾我嘅生日禮物！公司？經理人平日已經好錫我，個個都對我好好，我已經好滿足，不過我最想老闆林生（林建岳） 送一支酒俾我，雖然我唔識飲酒，但我覺得一支酒能夠象徵迎接十八歲！」

寰亞孻女的十八歲生日，會有一個度身訂造的「成人禮」。