江嘉敏執二灘做《牛下》女一勁開心

黃心穎因「安心事件」形象盡毀，避走美國的她留下大堆「蘇州屎」，已完成拍攝的《法證先鋒IV》、《牛下女高音》等劇都要重拍，而《法證IV》已落實由湯洛雯取代黃心穎一角，至於《牛下》女一，則有傳24歲的江嘉敏（Kaman）撼贏陳瀅及麥明詩等，繼《兄弟》後再做女一，成為TVB最強小花。對於頂替黃心穎做女角，Kaman話以平常心面對，但又忍不住笑出來，更自爆：「開心死！」

《牛下女高音》女主角是一名不修邊幅的宅女，亦是鍾景輝的孫女，戲份由頭帶到尾，好有戲做，是一眾TVB小花如劉佩玥、麥明詩及陳瀅等眼中的「肥豬肉」，江嘉敏偏偏得到監製黃偉聲垂青，除她外並無其他「執二攤」心水選擇，日前經已安排她試鏡及拿劇本。據知，不少監製都好Like「清純女神」江嘉敏，她剛剛拍完陳維冠的《殺手》，又正在拍攝梁材遠的《大醬園》，以客串方駿釗的《降魔的2.0》，因為監製覺得她有少女味，氣質又ok，特別找她客串，絕對是搶手貨。

兩人要在櫻花樹下談情，問到胡鴻鈞點形容江嘉敏，女方即搶答：「靚！」

江嘉敏直言拍到《牛下》就開心死，收到劇本的她仍未知拍攝檔期。

Hubert對江嘉敏周身擰避蜜蜂表現漠不關心，他話不護花不是衰，是因為「蜜蜂愈趕愈有攻擊性o架。」

日前，江嘉敏跟胡鴻鈞（Hubert）去到大埔汀角山寮路一間茶室為《降魔的2.0》拍外景，劇情講一個17歲失明少女，用心感受到孤獨鬼胡鴻鈞的存在，因而上演一段人鬼純真情未了。雖然戲份不多，但江嘉敏依然落力演，戲外還相當風騷，動作多多，一時托腮扮花，一時又撥弄頭髮，電力十足，但胡鴻鈞就完全不過電，就算眼見江嘉敏被小蜜蜂纏住嚇親，還要高聲哎呀哎呀咁叫，身旁的Hubert只是繞埋雙手，未有幫拖！Hubert解釋：「蜜蜂愈趕愈有攻擊性o架。」

對於首演失明人士，江嘉敏覺得好有挑戰，「角色好難演，因為要做到有初戀感覺，要含情脈脈chok住把聲嚟講嘢，所以冇嘔算係咁喇！望嘢又要好飄，朋友就估我係咪扮緊智障人士！」胡鴻鈞竟附和說：「佢本身係咁（智障），都係做返自己啫！不如話今次係我演技大考驗啦！我知佢本身好男仔頭，扮溫柔呃我唔到嘅。」

對於頂替黃心穎做《牛下》女一，Kaman恨到出口：「做到先算啦，唔好氹我開心，我會開心死。我係見過監製，抱住平常心面對，有就當新劇拍，否則就休息吓。」江嘉敏不評論「安心事件」係咪間接幫到她上位，只說對黃心穎來講係可惜，更提示她做藝人更加要注意形象：「都唔知點解公開咗男友之後仲有咁多緋聞，希望大家（傳媒）高抬貴手！」

江嘉敏眼定定扮失明少女，被朋友估她扮緊智障人士。

24歲的江嘉敏樣靚身材好，青春逼人，笑容仲好鬼甜。

不少監製都好Like「清純女神」江嘉敏，她剛剛拍完陳維冠的《殺手》，又正在拍攝梁材遠的《大醬園》，以客串方駿釗的《降魔的2.0》。