為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 22 日

王卓淇自我增值

日前,慧妍雅集舉行周年晚會,啱啱喺峇里度完假嘅一四年港姐亞軍王卓淇,都係會員,仲悉心打扮到場。東姑見到佢聯同一七年港姐亞軍何依婷(Regina),好似花蝴蝶咁喺現場穿梭,見到靚嘅背景,仲即自動波大擺甫士,兩人輪流幫對方揸機影靚相,影完又一齊睇,老友鬼鬼。

王卓淇向東姑透露︰「部相機係Regina嘅,影出嚟嘅效果好好,我都心郁郁想買部。」雖然未有新工作安排,但佢都好識得自我增值,「我之前拍咗三套劇都未出,呢排有啲時間,都有跟狄以達學跳k-pop,我亦打算修讀一啲財經課程,始終屋企人做生意,都有必要學吓。」見佢咁好學,東姑都好欣賞。

輕扭身軀嘅王卓淇,露出長腿擺甫士,並由好姊妹何依婷操刀拍攝。

 

 

 

貪靚嘅王卓淇,後來揀咗枝玫瑰道具,跟住排隊影photo booth。

 

早前拍畢新劇《致所有愛過的人》後,王卓淇便到峇里放假旅行。