為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 05 月 17 日

鄉議局六月換屆 劉業強為連任告政府?

高等法院早前裁定「以私人協約」和「以地換地方式」建丁屋屬違法,同政府關係一向唔錯嘅鄉議局主席劉業強,都走出嚟狠批政府做法「令新界人感到心寒」,揚言唔恢復處理丁屋協約及換地申請,就會上訴到底,甚至不惜上街。

有鄉紳透露,劉業強忽然硬起來跟政府打對台,全因鄉議局六月換屆選舉在即,面對主席之位存亡之秋,點都要做番啲嘢,「六月一號就係換屆選舉,部分鄉紳早已覺得劉業強作風太過優柔寡斷,所以佢為保主席一位,今次梗係要趁最後機會博表現。」

有傳劉現時手握七成票源,並非十拿九穩,隨時有人會推舉其他做事夠勇嘅代表上場,當中以英國皇朝集團太子爺兼大埔鄉事委員會主席林奕權呼聲最高。林奕權父親係鄉事派在海外僑領、人稱「牛哥」嘅林道明。

月前張學明告別大埔區議會,四十歲未到嘅林奕權憑父親關係,火速在大埔鄉委會選舉中被選為主席,今次鄉議局換屆,早已盛傳佢將會接張學明棒做副主席。論政壇年資,林奕權當然唔及劉業強,但在丁權呢個關鍵議題上,佢企得好硬,聲言會帶領原居民上訴至終審法院,甚至尋求人大釋法,令鄉紳對佢另眼相看。

劉業強(中)力爭連任鄉議局主席,一改作風跟政府硬撼。

 

有父蔭嘅林奕權,被視為鄉議局明日之星。