為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 豐味人生 2019 年 03 月 01 日

謝健豐

謝健豐(Benson),紅褲子出身,在飲食業界打滾逾四分一世紀,現經營多間食肆,亦是米芝連三星餐廳創辦人。

擔番口大雪茄

在酒店行業打滾的日子,見盡上流社會百態,潛移默化,我開始學習欣賞靚酒美饌、抽靚雪茄,更重要是,一支支的靚雪茄,後來成為我其中一瓣生意。

我好記得,小時候睇粵語長片,聽到梁醒波唱「擔番口大雪茄,充生晒認經理,撈世界要醒目,一於當玩把戲。」就是梁醒波那個得戚樣和那幾句歌詞,我下定決心,以做老闆為奮鬥目標。

十九、二十歲左右,我終於有機會抽第一支雪茄,雖然不是甚麼名牌貴貨,但大個仔唔食煙仔食雪茄,自覺非常有型,那一種,是成功的味道。

一九九七年,機緣巧合,已故鄧永鏘爵士搞太平洋雪茄(PCC),他找了半島酒店Felix的前經理負責埋班,我那位舊同事當然順理成章向半島人埋手,而我覺得,要在半島學的也已經七七八八,是時候給自己一個機會作新嘗試,於是舉手自薦,離開酒店業,去到文華酒店的Cigardivan,由雪茄sales做起。

當時身邊都有朋友質疑,擁有這麼多酒店F&B經驗,卻跑去賣雪茄是否太過冒險?坦白說,我有一刻猶疑過,但很快就決定,自己喜歡這玩意,趁未夠三十歲仲有本錢博一鋪,盡快入行邊做邊學,日後可以多一瓣謀生技能。

結果呢,一做就二十幾年,還擁有自己的雪茄店,有時下午有空抽支靚雪茄,呼出一個個雪茄煙圈,我仍是很多謝梁醒波對我的啟發。