為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 12 日

李嘉時薪過萬蚊

無綫劇集《大帥哥》中飾演張衛健手下「冬來」嘅李嘉,素有「功夫狂人」之稱,私下收徒傳授武藝之外,原來仲有其他神秘身份。日前,韓國男星崔始源來港嘅時候,東姑赫然發現李嘉充當保鑣,全程好認真、專業咁保護崔始源;而唔少粉絲仲認到佢,搶咗唔少fo添!

事後,佢同東姑講,一直都有做藝人以外嘅工作,譬如保鑣,亦曾經做過輔警。其實,佢之前都有做過一啲來港荷里活巨星嘅保鑣,只係當時冇畀人留意到啫。而今次佢就係幫手客串一吓,仲講笑話做保鑣收入相當唔錯,如果畀啲內地富商欽點聘請嘅話,時薪隨時過萬,好搵過做藝員多多聲o架!

變身保鑣嘅李嘉,喺機場保護剛抵香港嘅韓星崔始源時,一臉嚴肅,好專業咁維持現場嘅秩序。

 

着晒全身黑色「老西」嘅李嘉,企喺保鑣群入面非常搶鏡,唔少追韓星嘅粉絲都認得佢,追完偶像仲搵佢合照添。

 

有「功夫狂人」之稱嘅李嘉,武藝高強;而拍攝緊無綫新劇《唐人街》嘅佢,就喺社交網上載短片,表演佢任伍允龍腳踢下體及另一同事打心口嘅「鐵布衫」硬氣功絕技。