為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 10 日

楊明冒險扯煙

入行超過廿年嘅楊明,近年備受公司力捧,一劇接一劇,逐漸接棒一線小生嘅位置,睇到佢個勢都幾凌厲吓。而愛情同樣得意嘅佢,同莊思明拍拖可謂sweet爆,並樹立好男友嘅形象,難怪觀眾對佢愈來愈受落。

早前,東姑就喺荔枝角遇見佢為無綫新劇《機場特警》開工拍外景,着晒全身運動裝嘅佢,拍攝一場去健身室做gym嘅戲份,而佢呢期狀態大勇,身材真係keep到好大隻,胸肌脹卜卜,手瓜又起(月展)。之但係,趁休息期間,佢就一支箭咁走落街,原來係爭取空檔,急不及待扯煙,煙癮似乎好大。

吸煙除咗對身體唔健康,仲對形象有壞嘅影響。此外,東姑當日見佢企喺路中心煲煙時,路過嘅車就喺佢身後係咁擦身而過,其實都相當危險。真係可以嘅話,最好都係戒煙喇!

早前,楊明為拍無綫新劇《機場特警》,不但曬到皮膚黝黑,仲操到手瓜起

 

拍完場戲,楊明已急不及待落街煲煙,睇嚟煙癮都好大。

 

食住煙唔坐上開工車嘅楊明,企喺路嘅中心,唔少車擦佢身後經過,睇落都幾危險吓。