為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 05 月 07 日

關慧玲

《東周刊》社長兼總編輯。

警察總部內的「電影院」

警隊為慶祝一百七十五周年可謂花盡心思,繼早前舉辦大匯演,還有安排部分警署搞開放日外,最新係推出電視電影《機動部隊2019》,以四集、每集二十分鐘嘅電視劇集形式,披露機動部隊苦與樂。

筆者有機會睇到該電視劇第一集首映,放映地方竟然設在警察總部內。這間鮮有對外開放嘅放映室成間戲院咁大,可以容納三百人的空間,座位相當舒適。有人笑說,加上爆谷就完全跟到真戲院睇戲風味無異。卻原來,這本來是個演講廳,給警察總部、各總區和警區單位進行各種活動,例如國際及本地警察會議和研討會,以及其他如服務質素工作坊等。今次佢哋特別加裝一個九米闊、四米高的高清屏幕,及環迴立體聲音響設備,將演講廳打造成電影院,給觀眾感受最真實的警察故事。

未睇前,已有人溫馨提示劇中沒有卿卿我我的感情戲,也沒有大路劇常有的槍林彈雨,筆者反而看到好多細膩位,描繪警察心聲十分到位。最特別是,劇中每一個角色在執行法治以外,都有跟普通人一樣面對的各種人生難題;或是家有長期病患、或是面對結不結婚的抉擇,都有不為人知的辛酸,警察也是人,對同袍在執勤中死亡,一樣會黯然神傷。
自佔中一路走來,多了好多對警察不公道的批評,劇中亦有輕輕觸及,例如在街上截查路人身份證時,會被人揶揄「黑警」,幾個演員交換一個無奈的眼神。筆者相信這一幕,感受肯定來自真實的警察。

據聞呢套劇籌備時間不算耐,但警隊投入十足心機,除咗提供真人真事,唔少架罉、場景都係真嘢。據了解,由於劇集口碑唔錯,警方跟電視台決定添食製作第二輯,負責此劇嘅監製Jacky話劇本仍未有,唔少男女藝人已表態有興趣參與。

隨着此劇開始播放,警隊內部亦掀起熱潮,在社交群組中發起「PTU Challenge」活動,不少曾派駐機動部隊的警務人員,自發上載昔日執勤或受訓時的照片;o依家一傳十、十傳百,大家開始在相片玩tag人名遊戲,趁此機會懷念一番。及後發起人更鼓勵即使不是PTU的網友,只要有一些關於PTU的相片或片段,亦可上載開心「些牙」,之後再tag三位老友接力繼續玩。