為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 05 月 09 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

母女愛「鬥嘴」

愛神也有苦惱,問他可知道?

原來林珊珊這首金曲,已經刻在我心三十五年了。

也許當時我們年紀小,已記不清楚是那一年認識林珊珊,只記得那時候她兩位千金都很小很小。

上星期,珊珊跟囡囡李澄(西瓜)拍攝母親節廣告,西瓜打招呼大叫:「Mavis姐姐!」令一聚工作人員愕然跟着大叫姐姐,這個稱呼實在太親切,小時候的習慣改不了口,讓我重拾青春。

林珊珊一直是我心目中的女神,悉心照顧鄭伊健、草蜢、林嘉欣、王菀之和蘇麗珊等的事業,除了練得一身好武功外,她的內心是充滿包容及大愛。

近日「母女檔」為PANDORA母親節系列拍廣告,西瓜成功「獨霸」媽咪一日好開心,而兩母女感情超好,現場笑聲不絕,台前幕後笑翻天。

問她們母親節點慶祝?珊珊說:「我唔喺香港⋯⋯」西瓜即投訴說:「嗱嗱嗱,我都話媽咪好難約,即刻示範啦!」珊珊解釋:「因為我妹妹嘅囡囡喺英國讀書,趁佢最近放假返香港,就約埋你哋(指西瓜兩姊妹)同埋我媽咪,三代同堂提早食飯慶祝。咁到母親節正日,我就可以去玩啦!」

珊珊說,以前怎樣忙都會一星期留一個時間給兩位愛女,她們長大後各有各忙,經常失約,現在已將時間留給自己。

她說:「有一日我聽到佢哋爸爸同西瓜兩姊妹講:『你哋大個啦,我唔會再約你哋,由你哋約番我啦!』我覺得佢呢個方法好好,咪叫佢哋有時間咪約我囉,點知佢兩姊妹從來無約過。」西瓜反擊,兩母女表面上互相投訴,事實在向對方撒嬌,非常Sweet!

珊珊又乘機向女兒暗示:「其實做媽咪最需要係愛心、關心⋯⋯同埋現金!唔好再送嗰啲icard俾我⋯⋯」西瓜更正她:「嗰啲叫ecard,唔係icard呀!」全場爆笑。西瓜又爆料,指媽咪最鍾意收禮物,說:「每逢節日我都會同媽咪食飯慶祝,但之後會問我:點解唔送花嘅?點解無禮物嘅?以前成日送啲禮物唔啱佢心水。」於是珊珊事先張揚:「今年我想收手鏈和戒指。」西瓜鬆一口氣,說:「咁就好啦,真係估佢唔到,我成日都怕送錯。」

看着她們,想着自己,一直把兒女當作自己的好朋友一樣,放下期望、放下批評、一同經歷一同成長,是上天給予每一個母親最好的禮物,母親節快樂!

林珊珊跟囡囡李澄(西瓜)拍攝母親節廣告,西瓜成功「獨霸」媽咪一日好開心,而兩母女感情超好,現場笑聲不絕。