為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 03 日

為攬裕美 揭林作同阿媽吵大鑊

裕美去年被本刊獨家踢爆與林作撻着,事後二人故弄玄虛,裕美更隨即宣布與外籍男友分手;其後,他們就不時被發現出雙入對。今年年初,兩人便被拍到齊齊往北海道度假,但依然否認拍拖。

據密友透露,仍然沉溺愛河之中的林作,曾為女友與阿媽吵大鑊:「裕美上林作半山豪宅,當正自己係女主人,令林媽媽非常不滿,但係林作覺得自己女朋友嚟屋企探訪係正常嘅,佢兩個就為呢件事嘈交。」

去年,裕美多次邀請林作上自己的直播節目,二人打情罵俏,被冧的裕美笑逐顏開。

 

自出自入

密友續說:「林媽媽覺得裕美好冇禮貌,因為呢件事,林作都同阿媽嘈咗好多次,林作好直接咁同阿媽講:『我都有需要o架!唔通唔使咩呀?』搞到伯母冇聲出。」最近,為宣示主權,裕美刻意在男友書房中拍片,示範以日文拼音講韓文,並放上社交網,即時備受關注。

裕美能夠打低眾多索女,脫離銅鑼灣舊樓,「升呢」自出自入半山區的三千多呎豪宅,難怪心癢癢要趁機炫耀一番。日前,在中環出席活動的裕美,如沐春風,更風騷回應「安心偷食」事件說:「冇乜感覺,反而擔心當事人,自己係過來人,明白有壓力,人生好絕望,再冇明天,鼓勵佢哋係人生歷程。」

活動完結後,路人要求合照,她都一一答應,心情明顯靚靚。最後,她就急急腳跳上的士朝着半山的豪宅區進發。

有愛情滋潤的裕美,行步路都十分雀躍,兼手舞足蹈。

 

做過大狀的林作口才好毋庸置疑,今次裕美洩密,他解釋只是借地方給對方拍片;不過,為了拍一條四十三秒的短片,要專誠上半山區,真是辛苦晒!