為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 05 月 08 日

發嫂買西瓜降火

周潤發(發哥)同老婆陳薈蓮(發嫂)向來生活貼地平民化,除咗拍戲出埠以外,住九龍塘嘅佢哋,最愛流連九龍城,經常都會幫襯區內嘅小店,唔只街坊熟客咁簡單,發嫂仲笑言九龍城係佢半個鄉下添!

早前,東姑又喺九龍城發現發嫂嘅芳蹤。近日天氣漸熱,所以佢都着晒背心,又戴住副反光超,睇落好夏天look。東姑現場所見,當時燶口燶面嘅發嫂,孭住個環保袋入咗一間老字號嘅生果舖,唔知邊個得罪佢?入到舖頭,佢仲即刻同老闆呻咗幾句;之後,老闆就介紹今期嘅靚生果畀佢,仲特別推介又平又靚嘅台灣西瓜。東姑見發嫂最後都幫襯買咗幾個返屋企,相信係天氣熱想食啲涼嘢降溫,加埋佢嬲爆爆心火盛,西瓜下火就最好不過喇!

老闆似係知道發嫂心火盛,特別推介佢買門口嘅台灣西瓜,畀佢降吓火。

 

發嫂同生果舖老闆好似老友見面咁,入到舖頭即捉住對方,嬲爆爆喺度訴苦水。