為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 26 日

《愛‧回家》Peter 杜大偉秘建七間任食火鍋

在《愛‧回家之開心速遞》中,飾演行政部副經理「Peter」的杜大偉,雖然戲份不算多,但把辦公室囂囂張張的管理層角色,演繹得入型入格,獲得很多網民青睞,成功入屋。

劇中的「Peter」,是個日日等加人工又貪錢的打工仔;但現實中,他其實於幾年前,以五萬蚊開始投資任食火鍋生意,靠着圈中人脈及自身名氣作生招牌,最後「滾」出七間分店,絕對是禾稈冚珍珠!

杜大偉(中)在《愛‧回家》中飾演行政部副經理「Peter」,跟「大小姐」(右)和「KC」(左)甚多對手戲,且十分有火花。

 

親力親為

現年四十二歲的杜大偉(David),除了於《愛‧回家》中飾演行政部副經理「Peter」一角,早前亦在《褔爾摩師奶》中飾演警司「白羅拔」。雖然演藝事業上,他只能稱得上不過不失;但另一方面,他在經營飲食生意上,卻相當有計。

日前傍晚時份,本刊便發現David在電視城收工後,即急急腳趕往位於佐敦的「倫哥」任食火鍋分店。甫返到店舖,他便二話不說走到收銀處,拿出文件點貨睇數;至接近晚飯時段,他又親自捧出一箱箱的飲料,為飲料冰箱作補給;轉個頭,他又走到每個座位視察一輪,見桌面上的餐具擺放有錯漏,即九秒九執拾好……就這樣在店中騰來騰去未停過。及至有客入座後,他亦準備好隨時候命,只要看到有客人遞手,他也會自動波即時補位身兼侍應,落單斟茶遞水,招呼周到。

驟眼看來,David跟一般食肆經理或店長無異,但實情,他正是這家任食火鍋店的其中一位老闆。據悉,他於數年前入股後,便積極向幕前幕後推薦幫襯,才半年時間,火鍋店便成為了演藝界行內人經常聚腳、開飯局的地方,生意愈做愈旺,至今已「滾」出七間分店!本刊求證David,他謙稱自己不過是個小股東。「舖頭本來係我表哥同倫哥開。幾年前表哥開第二間舖時,搵我幫手搞宣傳,又問我有冇興趣入股,咁我就投資咗五萬蚊。o依家開到第七間,我好多謝佢哋都有分股份俾我,俾我成為老闆。

「不過,o依家舖頭賺到嘅錢,我都係投資番喺呢盤生意度。o依家舖頭都做到集團化,有中央訂位部;上年又有個內地股東注資,我哋都想借佢嘅內地網絡,可以將舖頭呢個品牌,打入內地嘅市場,希望生意愈嚟愈好啦!」

日前傍晚,David於電視城收工後,便趕到佐敦的火鍋店幫手開舖。只見這位老闆全程在店內左騰右騰,忙得未停過手。

 

忙完一輪,晚飯時段開始,David即全力招呼客人,落單、執枱又斟茶遞水,隨時候命。