為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 28 日

梁舜燕上等人出巡

o依家朝早重播緊嘅《真情》,劇中飾演「上等人」嘅梁舜燕Lily姐,係香港第一代電視藝人,入行六十二年,見證香港電視史嘅發展,不知不覺佢今年都八十七歲。不過,佢一生熱愛演戲,呢幾年仍然熱衷拍劇,之前喺《城寨英雄》入面嘅「三姨婆」角色,同樣令人留下深刻印象,仲搞到班年輕網民癲晒,幫佢設計咗啲「三姨婆」圖輯添。

據知,Lily姐自從一二年經歷老公阮黎明過身之後,就極速離開傷心地,由港島搬去九龍住。日前下午,東姑就喺太子港鐵站附近撞見Lily姐,當時戴住幅黑超嘅佢,離遠已經feel到佢股「上等人」嘅氣派。去完銀行之後,佢就由外籍女傭陪住行街街。現場所見,佢外表仍舊精神奕奕,之但係行路嘅時候已經冇以前咁靈敏,一直要由外傭攙扶住,希望佢多多保重身體啦!

梁舜燕兩年前舉行入行六十年大典,汪明荃都有畀面出席。

 

除咗做《真情》入面嘅「上等人」,之前佢喺《城寨英雄》入面演「三姨婆」,一樣令人印象深刻,有網民更為佢製作圖輯。

 

梁舜燕出名儀態萬千,扶住外傭嘅時候,特別斯文,只係輕輕咁貼住對方。

 

早幾年,佢都仲係箭步如飛,不過近排就行得慢咗,始終都八十七歲嘞。