為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 04 月 25 日

長三角考察團 泛民齊No Show

喺復活節假期出發嘅立法會長三角考察團,泛民有七名議員本來都有報名參加,但係佢哋因為不滿政府硬推修訂《逃犯條例》,決定玩嘢,臨時退團以示杯葛,令該團最後只有二十二位建制議員跟三位局長同行。

雖然團友少咗,但因為行程非常豐富,亦無損議員嘅雅興,而係唔去嘅議員損失。考察團日前到訪上海考察中國製造首架大型噴氣式民用飛機C919嘅「中國商飛」公司,就吸引成班議員不停影相打卡。

經民聯立法會議員盧偉國最雀躍,參觀完後不忘分享見聞話:「C919目前已成功試飛一百小時,今次考察團獲安排進入機艙內參觀,發現機內並無一般客機嘅座位同行李架,反而滿布各種試驗同傳感設備,架機二一年開始投產,到時我一定搵機會搭番轉!」

睇完飛機廠,轉頭又參觀上海證券交易所,一入去就見到個機械人,立法會議員梁美芬即時撩佢玩,問佢係咪想幫大家賺錢?點知機械人鬼馬地回答:「交易所包吃包住,我唔需要錢。」逗得在場人士哈哈大笑。

考察團參觀「中國商飛」C919總裝製造中心。

 

到訪上海證券交易所,梁美芬(前排左)忍唔住撩機械人玩。