為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 04 月 25 日

《逃犯條例》拖累 林鄭支持率大跌

修訂《逃犯條例》成為特首林鄭月娥近期最棘手工作,不只商界、法律界嘈爆,民間都發起遊行抗議,促請政府撤回。上周立法會審議《逃犯條例》修訂的法案委員會開會選主席,卻遭泛民「拉布」玩謝。林鄭上場後刻意跟泛民示好,但一條《逃犯條例》即刻被泛民「發難」咬着唔放。有政界中人透露,事實上林鄭當上特首一年多,曾成功推出「一地兩檢」、「明日大嶼」等大計,然而近期施政的確舉步維艱,不時碰壁。

最新港大民意研究計劃上周公布特首及問責官員最新民調,林鄭只有四十八點五分,較三個星期前顯著跌四點一分,支持率為百分之三十四,反對率為百分之五十一,民望淨值下跌十個百分點至負十七個百分點。為《逃犯條例》擔任「重炮手」嘅保安局局長李家超的支持率更慘遇滑鐵盧,比上個月下跌咗十四個百分點,得番百分之二,創下佢上任以來新低。

民調列出進行民調期間相關嘅大新聞,其中包括《逃犯條例》修訂爭議、「佔中九子」被裁定罪成、選民登記冊遺失等,件件都係燙手芋,不過有政界人士就認為,《逃犯條例》係令林鄭民望急挫嘅關鍵。

該政界中人透露,雖然林鄭自參選開始便視泛民為盟友,但自從民主黨去年忽然唔請林鄭出席黨慶後,雙方關係跌至近年新低,《逃犯條例》一出自然出力踩;至於建制派,佢哋未去到明言反對,但心情十分複雜,「特首一開局時好關顧泛民,既派錢畀教育界,空置稅又鬆手畀公民黨攞彩。」有建制中人明言,早前政府收緊長者綜援門檻,林鄭指建制派議員有份支持,令建制派非常難堪。其後政府二度強推三隧分流方案,年底即要選舉的建制派坦言啃唔落,政府無奈要撤回。

如今面對《逃犯條例》,建制包括商界依然充滿疑慮,所以仲有好多未知數。

泛民玩拉布唔係首次,不過呢次《逃犯條例》法案委員會連主席都未選,佢哋已經玩到咁盡,自知支持度下跌嘅林鄭都只能慨歎自己未必有政治能量處理,點知被涂謹申踩多一腳,話「咁或者係時候退下來。」

可以肯定嘅係,正副主席一日未選出,涂謹申將繼續主導會議。建制派見到法案委員會亂成咁,提出再次修改《議事規則》,建議由秘書長陳維安主持各事務委及法案委員會嘅主席選舉。種種迹象都顯示,林鄭做特首蜜月期已過,o依家施政十分艱難。

建制陣營早預計泛民會拖延選主席,但估唔到對手玩到連選舉程序都未開始便完會。

 

林鄭月娥逼立法會盡快通過《逃犯條例》,遭泛民瘋狂拉布還擊。

 

民調顯示李家超嘅支持率低創上任以來新低。