為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 17 日

湯盈盈Mark哥上身

現年四十四歲嘅湯盈盈,一直想幫錢家追個慈姑椗;不過,佢兩公婆各有各忙,又要湊住兩個囡囡,追仔大計只好一拖再拖。之但係,東姑聽聞盈盈五歲嘅大女凱晴(Alyssa)非常精靈活潑,仲係校內嘅優異生,完全唔使爸媽操心。o依家,盈盈淨係專心湊細女凱琪(Kassidy),應該多咗啲時間出嚟,可以計劃吓生仔大計喇!

早前,東姑行時代廣場,見到前面有一位夠晒霸氣嘅女人,着住件乾濕風褸,似足Mark哥上身,於是忍唔住行上前,(目及)吓係邊個咁鬼型?原來係啱啱喺超級市場買完嘢嘅盈盈。呢個商場買夠三百五十蚊,就可以免費泊車三個鐘,盈盈於是攞住啲單去攞泊車優惠,可惜行錯樓層搵錯地方,白行一趟添!希望佢嘅生仔大計,唔會咁失魂啦!

雖然天氣開始轉熱,但經常出入冷氣地方嘅湯盈盈,就Mark哥上身,着咗件長身大褸,霸氣十足。

 

湯盈盈買咗兩大袋嘢,使咗超過三百五十蚊,諗住攞泊車優惠,點知白走一趟,因為去錯地方囉。