為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 21 日

陳瀅忍耐力驚人

現年二十九歲嘅陳瀅(Jeannie),被唔少網民封做「女神」;之不過,佢演出嘅角色就嫌「花瓶」嘅居多。直至最近佢終於「叻叻豬」,喺剛播完嘅無綫劇《福爾摩師奶》中,扮演陰沉嘅高級交際花「素嘉」,喊戲同鬧交戲,都被網民激讚佢演技大爆發,仲睇好佢有機問鼎年尾嘅電視頒獎禮添。

日前下午,東姑喺Jeannie出席完一個劇集宣傳活動後,見佢同經理人一齊現身附近嘅一個平民商場。當時,佢連衫都未換,仍然着住劇集嘅宣傳tee,淨係披上外套、戴帽同埋口罩,就入咗一間平民家品店度買嘢。

可以忍受住衫都唔換,只係笠番頂帽同口罩就去shopping,睇嚟Jeannie唔算貪靚兼冇乜「女神」包袱。最神奇係佢當日揸住架過百萬波子,載埋經理人,仲唔介意對方喺車上面食煙。睇嚟,呢個「女神」不嬲都冇當自己高高在上,仲忍耐力好強,係個幾易「話圍」嘅nice girl!

喺剛播完嘅無綫劇《福爾摩師奶》中,Jeannie扮演陰沉嘅高級交際花「素嘉」,獲網民激讚佢演技大爆發。

 

 

 

完咗劇集宣傳活動之後,Jeannie連宣傳tee都未除,只係披上外套、笠番頂帽同戴埋個口罩,就去行街。

 

Jeannie同埋經理人,之後行去附近一個平民商場,睇嚟係一心打算去買家庭用品。

 

最後,Jeannie揸車返回尖沙咀嘅寓所,女神其實都幾深閨嘅。