為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 22 日

蔣家旻愈抓愈爽

《愛•回家》第一輯時飾演乖乖女「馬子妮」嘅蔣家旻,清純鄰家女孩形象討好。不過,自從佢冇做《愛》劇之後,幕前形象突變,之前拍劇集《踩過界》就飾演啤酒妹,畀有錢仔禁錮;最近,佢就忙緊拍攝新劇《極道怪咖》,監製又安排佢做壞女人,飾演專搞黃色事業嘅黑幫大姐大,未知觀眾接唔接受到呢?

近排,九龍城開咗間文青coffee shop,吸引好多少女去「打卡」影相。日前,東姑就見到蔣家旻同一名女性朋友去幫襯,由於大排長龍,所以佢趁排隊時就幫朋友影相「打卡」。不過,影完相都仲未等到有位,佢就無啦啦開始身痕,竟然大庭廣眾伸隻右手插入褲後面抓,仲愈抓愈爽咁,跟住更加一路抓一路同朋友吹水。雖然明知有人會見到,但係佢都話知你!諗番起《愛•回家》入面斯文乖女嘅「馬子妮」,真係估佢唔到!

蔣家旻同朋友幫襯九龍城一間新開嘅文青coffee shop,點知大排長龍。

 

蔣家旻一路抓一路同朋友吹水,真係「爽歪歪」!

 

排隊排到唔耐煩,蔣家旻悶悶哋就揸機幫女性朋友影相「打卡」。

 

近年蔣家旻形象大變,告別昔日嘅乖乖女,喺新劇《極度怪咖》入面扮社團大姐大。