為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 04 月 19 日

何仲平發功 醫生組織傾掂數

醫委會早前否決四個放寬境外專科醫生實習安排,引起軒然大波。外界狂轟業界口說支持引入「外援」,卻醫醫相衛圖攔路,玩死市民同一班谷爆嘅前線醫生。

醫學會會長何仲平同前會長蔡堅決定為大局做啲嘢,上周五晚搵埋多個醫生組織坐低一齊度吓有冇合適嘅新方案。十八名代表商討咗兩個幾鐘,終於達成共識,初步傾向免實習適用於醫管局、大學醫學院同衞生署嘅醫生,但係喺醫管局嘅捆綁年期會最短,衞生署就最長。新共識同之前企硬只准「外援」捆綁式留在公院嘅要求,明顯有一百八十度轉變。

只用兩小時就傾得掂,有與會代表話人緣頗佳嘅何仲平背後出左唔少力,「佢做事一向持平公正,加上曾是佔中醫療隊核心人物嘅歐耀佳亦有幫手,呼籲一班年輕醫生放下成見,以解決人手問題為重,結果幾方人馬一齊心,就皆大歡喜收場。希望下個月八號醫委會再開會時,可以順利通過。」

醫學會與多個醫生組織會面,商討兩個多小時後終達成共識。