為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 04 月 16 日

關慧玲

《東周刊》社長兼總編輯。

蒙家有女初長成

在信興宴上,主席兼行政總裁,蒙德揚笑咪咪把女兒蒙淑美(Jasmie)(見圖)介紹給眾人,呢位隨和健談的小妮子,去年九月才加入信興做項目顧問。信興最新自日本引入嘅Sixpad智能健身衣,就係佢工作之一。

 

 

現場見佢好努力介紹產品,佢話這件健身衣以電子感應探測人身上嘅脂肪,再用電子訊號準確地鍛煉各部位,只要跟住模擬動作做,就可以減肥和收緊肌肉,而且做呢套鍜煉半小時,就有做一個小時健身嘅效果,啱晒好趕時間嘅人,「我同Daddy都試過,要對抗佢畀你嘅力,幾大運動量。」未來Sixpad會在尖沙咀Victoria Dockside開健身中心,主打呢套新健身方式。

Jasmie 講得頭頭是道,皆因佢自己都係運動中人。據說佢自細已鍾意玩體操,十二歲那年為慶祝爺爺蒙民偉生日,更在席上表演,側手翻、後手翻都難佢唔到。

佢在美國Santa Clara大學讀傳理,副修經濟。一直都好動嘅佢,長大後無再玩體操,轉玩三項鐵人,笑說是對自己的一項挑戰,完成就當贏,但佢都好認真操練游水、跑步和單車,「記得那次比賽踩單車嗰段,已經踩到死死吓,旁邊個九歲小朋友,一陣風般喺我旁邊快速超前,我真係笑咗出來,後來知人家好像是校隊。」

自美國回港後,Jasmie去年趁信興六十五周年回公司幫手,佢喜歡搞創意,所以加入市場部,幾乎是全組人中最年輕的。她現在是用心學,有時父親也教她幾招。蒙德揚三個仔女中,暫時只得Jasmie加入信興。

兩父女o依家公餘嘅共同嗜好就是跑步,Jasmie前個星期至比賽完。不過步入夏天,佢會轉玩GYM,等天氣涼快一些再戶外跑。而蒙德揚就話,香港始終未做到全城起動那種氣氛,而海外賽會有當地人為賽手打氣。有次在日本跑馬拉松,有當地人途中奉上鮮採士多啤梨,佢接過吃下一口,發覺非常好吃,寧願犧牲幾秒步速,跑回頭攞多一粒。

講番信興宴,每次大家引頸以待的蒙氏咖喱,今次除了傳統咖哩牛腩,仲有一款改良版,加入新鮮菠蘿和三種椒類,少了些肥膩,口感更清新。