為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 11 日

傅嘉莉call友發牢騷

早前,呂慧儀同〇八年落選「香港先生」黃文廸驚爆離婚。隨後,傳嘉莉(Kelly)就喺社交網出千字文控訴,指當年自己係被屈成呂慧儀同黃文廸之間嘅「第三者」;不過,佢除咗遭網友反指有「抽水」之嫌外,仲重提佢跟富商嘅緋聞,搞到佢緋聞不斷、是非纏身!

早前,東姑就喺尖沙咀一間酒店嘅門外發現傳嘉莉嘅芳蹤。現場所見,佢個樣愁眉深鎖,睇落心事重重,仲好似好多嘢煩緊咁款。

雖然,傳嘉莉當時右手上拎住個大手挽袋,仲有另一袋嘢揸喺手,但佢都騰出左手猛講電話。睇佢嘅表情,好似有滿肚牢騷,正喺度向朋友狂呻,抑或徵詢朋友嘅意見,睇下點見招拆招,唔使再畀是非纏身囉。

拎到滿手嘢嘅Kelly,睇落心事重重咁款;而喺度掛住講電話嘅佢,連行左定行右都搞唔清。

 

一臉愁容嘅佢,愈講電話愈煩躁,又皺晒眉頭,好似有滿腹牢騷,正喺度向朋友訴苦。

 

早前,Kelly喺社交網出千字文控訴,指當年自己係被屈成呂慧儀同黃文廸之間嘅「第三者」;但佢就反遭網友指有「抽水」之嫌。