為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 04 月 06 日

胡定欣秘搬星級屋苑?

三十七歲嘅盛女胡定欣,呢排都好多新搞作,除咗同古巨基合唱情歌之外,佢有份演出嘅電影《逆流大叔》,仲為佢帶來金像獎最佳新演員嘅提名。貴為無綫視后嘅佢,同一班新人喺影壇爭獎,難免感覺怪怪哋。

早前,佢連番出動去各大電台接受訪問,為爭取獎項提高呼聲,馬不停蹄咁宣傳,認真落力。不過,東姑就發現,當日佢租咗架保母車出入,做完嘢之後,接近傍晚時份,就由司機車咗佢直接返咗西貢嘅豪宅屋苑「傲瀧」,逗留咗成晚都未見佢離開。

其實,呢個新屋苑都有唔少明星業主,包括:王浩信、周柏豪、關智斌、張寶兒同張寶欣姊妹、Dear Jane主音阿Tim同老婆楊洛婷等。唔知定欣係嚟探朋友,定係秘密搬埋入嚟住呢?睇嚟「傲瀧」堅係星光熠熠喇!

入行十六年嘅定欣,今年憑電影《逆流大叔》爭金像獎嘅「最佳新演員獎」,近來佢仲心情風騷,四圍出動去宣傳。

 

 

 

接近傍晚,定欣坐車入咗西貢嘅豪宅新屋苑「傲瀧」,而呢個屋苑出名多明星業主,唔知佢係咪秘密搬咗入嚟住呢?