NowHere Boys

喜歡Band Sound的我，最近愛上Nowhere Boys。

對音樂充滿熱血的年輕人。

公司告訴我簽了一隊樂隊的時候，我莫名興奮，第一時間找Nowhere Boys的歌，聽個不停，讓我充滿幹勁。

年紀稍長，有時候也要發洩發洩，Rock and Roll一番。

上星期Nowhere Boys出席「香港亞洲流行音樂節二○一九」，代表香港參賽「亞洲超級新星大獎」。

初賽完成歌曲〈生死時速〉，他們滿頭大汗興奮地衝落台，主音阿Van說：「能夠玩到一場咁樣嘅show，第一次嚟到會展呢度表演，我哋已經贏咗自己，超開心！」

主持宣布Nowhere Boys成功打入三強時，我在台下跳起，太好了，讓我重拾青春。

雖然最後沒有勝出，但一班來自亞洲各地的評審也大讚他們，足夠了。

阿Van說：「第一局嘅時候，阿Ken支結他冇聲，漁佬ear mon亦聽唔到拍子機，但係首歌已經開始咗，電視亦正在直播，雖然我見過唔少風浪，但嗰一刻我真係好緊張，進入咗喘氣嘅狀態。我擰轉頭望佢哋嘅時候，見到佢哋明顯已經無視咗呢一切，所以我同自己講，無論點都要盡力爆晒成首歌，感激嘅係，我一直指揮台下觀眾，同我哋一齊大聲唱，大家嘅歌聲同叫喊聲，填補咗我哋音頻嘅不足，感恩有你們！」

打入三強，其實Nowhere Boys非常意外。

他說：「我哋都好鍾意〈Eleanor Ribgy〉呢首歌，花咗個幾月時間重新編曲練習，終於可以上台表演，心情真係唔知點去形容，相信現場嘅各位，都一定感受到Nowhere Boys五個人嗰一刻嘅震撼，而我會呢世都記得呢個感覺！多謝公司俾機會我哋吸取經驗，我哋會更加努力！」

要經營一隊樂隊實在不容易，各人也有做着兼職維持生計，Nowhere Boys五人一條心抱着熱誠堅持夢想，祝福他們成為Beyond接班人。

Nowhere Boys是對音樂充滿熱血的年輕人，他們代表香港參賽「亞洲超級新星大獎」，成功打入三強，超額完成「任務」。