為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2019 年 03 月 30 日

KAWS公仔維港Chill歎 「打卡」有秘技

由美國藝術家KAWS一手打造嘅超巨型吹氣公仔COMPANION,上星期五終於喺香港登場,以米奇老鼠經典大鈕褲子造型,大字形躺臥在維多利亞海港上,瞇起對招牌「XX」眼,真係Chill歎。

KAWS公仔今次是繼韓國首爾及台北後,在香港展開第三站《KAWS:HOLIDAY》展覽旅程,並擔任「香港藝術月」壓軸嘉賓,在維港瞓身演出十日至本月底。可能巡遊太開心,佢身型愈來愈高,最初在首爾只是二十八米,到台北就增至三十六米,現在再添一米至三十七米,足足有十四層樓咁高。

要影到KAWS公仔全相,最佳位置肯定是對到正一正嘅政府總部,可以居高臨下一覽無遺。市民無得上政府總部,在下面添馬公園草地及公園觀景台,都喺兩大打卡勝地,更可以行出去岸邊圍欄,零距離同KAWS公仔合照。

至於想影到公仔正面,難度就更高,有人建議去附近的摩天輪試試,但實際因距離太遠,影出來效果麻麻;而附近地面多個位置都只能影到頭頂、腳板底或大肚腩,即使出動自拍神棍也難以做到。當然亦有人諗過用航拍,但根據民航指引,維港兩岸設定為航拍機禁飛區,切勿為一張相而觸犯法例。

KAWS公仔上周五大駕光臨,吸引大批市民到添馬公園海旁一睹其歎樣。消防一號滅火輪更以噴水表演迎接他。

 

KAWS公仔曬住太陽、瞇起對眼,寫意地由青衣慢慢「游」出中環。

 

添馬公園觀景台雖然是打卡筍位,但人群太多的話,管理人員便會採取人流管制。

 

到訪香港前,KAWS公仔今年一月先跑到台北中正紀念堂廣場「攤唞」了八天。正面望,他的頭與身後塔頂連成一起,猶如戴上帽子,成為熱門打卡角度。