為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 03 月 22 日

森美超級撩女高手

電台節目主持人出身嘅森美,向來口才出眾、說話玲瓏,得閒仲搞吓gag、講吓笑,隨時連樹上隻雀仔都畀佢o氹落嚟。何況對住女仔,憑佢嘅三寸不爛之舌,好容易就o氹死女。

早前,東姑就喺西環巧遇森美,佢喺度為無綫新劇《過街英雄》拍攝外景,同場仲有盧宛茵(Madam Lo)、于洋兩個老戲骨。至於場戲就係講一間凍肉舖大減價,於是森美、Madam、于洋一齊入內搶購平貨。唔知係咪因為呢個場口,根本就冇其他女演員?森美就連耆英級數嘅Madam都有殺錯、冇放過。埋位時,經已成日笑騎騎,嬉皮笑臉猛撩Madam;到拍攝空檔,森美兩頭騰完一輪,兼講埋電話打發時間,都仲未埋位,於是佢又主動行埋Madam身邊,猛撩佢傾偈。

東姑所見,Madam同森美傾咗一陣,真係忽然心情大靚,唔知係咪森美嘅油腔滑調,o氹到Madam心花怒放呢?期間,仲有個着住校服嘅小妹妹,埋去搵森美叔叔簽名,森美都照同妹妹吹番兩嘴。不過,好彩森美份人只係得把口;而早婚有仔有女嘅佢,對老婆長情又專一,一旦遇到索女時,佢又未必夠膽口花花喇!

鬼馬嘅森美,對住Madam都冇厘正經,埋位時更加擠眉弄眼,撩佢傾偈、撩佢玩。

 

呢場戲係講有間凍肉舖大特價,森美就陪埋Madam去搶購平價貨。一roll機,森美即刻正經番晒。

 

鍾意搞gag講笑嘅森美,唔使一陣間,就成功

 

靠吹水搵食嘅森美,對住于洋呢啲老前輩,都一樣吹得兩嘴,完全冇受到年齡嘅限制。

 

有個着住校服嘅小妹妹,走埋去問森美攞簽名;而森美亦好親切,簽名之餘,仲同妹妹傾咗一陣偈。