為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 03 月 21 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

甜蜜「巧蝦力」

兩個女人如何成為閨蜜?

鄧小巧跟楊詩敏(蝦頭)因一餐飯緣相識,然後相知成為好友。

一見如故,無所不談。

蝦頭爆料:「我哋互相陪伴經歷感情風浪,甚至見證對方嘅愛情由萌芽到成長,再由枯萎到滅亡!」

成為閨蜜,當然相助拍攝新歌MV。

小巧歌聲觸動人心被封「治癒系歌手」,令人身心舒暢,新歌〈雲吞〉卻令人喊完又喊,事關歌詞是她與外婆的感人故事,再加上MV由好戲之人蝦頭上陣,鏡頭前後,洋蔥指數都爆標!

小巧與外婆最後的「合照」,成為歌曲其中一張宣傳相片。

小巧認為,每個家庭都有自己的一種代表食物,而她就是外婆的手造雲吞,她說:「我由婆婆湊大,小時候,婆婆每日都煮佢包嘅雲吞俾我當早餐。就好似〈雲吞〉歌詞所講,雖然唔係世界級美食,但獨一無二,充滿回憶,比世界上的珍饈百味更珍貴,係思念嘅味道!好多謝藍奕邦作曲、黃偉文(Wyman)填詞。我記得Wyman有一日問我屋企代表食物係乜?我講咗幾樣,其中一樣係婆婆包嘅雲吞,結果就有呢份詞。」

而小巧與外婆最後的「合照」,更成為歌曲其中一張宣傳相片,她說:「呢張手拖手嘅相係婆婆瞓喺醫院,我拖住佢隻手影嘅,當時我無諗呢張相將來會係點。我只知道嗰陣時,每次探佢都怕係最後一次,好珍惜每一個摸到佢、同佢講嘢、見到面嘅機會。到最近拍MV之前,導演阿聲問我攞一啲同婆婆生活照做參考,包括呢張相,最後佢建議用呢張相代表呢首歌。」

今次MV,小巧只在最後一個鏡頭出現,主演是好戲之人蝦頭。拍攝時,每當她在鏡頭前喊,小巧和工作人員都被感動,在鏡頭後偷偷哭泣。小巧說:「啲歌詞已經好感動,加上蝦頭演技好勁,佢好易觸動別人情緒,令人聯想到自己同家人嘅感情,將成首歌昇華,好催淚!」

不少朋友都笑指她們似樣,小巧說:「Wyman 曾經問我,如果我、你、林二汶和欣宜一齊打麻雀會點?拍成電影一定好搞笑!」小巧靈機一觸笑指新片名《我和東圈有個約會》,如果二人組成女團就命名「巧蝦力」!

鄧小巧跟蝦頭,因一餐飯緣相識,然後相知成為好友。