為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 03 月 14 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

新創建的潛藏價值

無獨有偶,香港四大地產家族長實(現長和)、恒基兆業發展(現恒基兆業地產附屬公司)、新鴻基地產,以及新世界發展都喺一九七二年上市,當年我仲讀緊書,但七三畢業嗰年就遇上香港股市史上最大規模股災,一年內恒指跌超過九成。雖然剛上市就碰到大跌市,但四大巨頭不但捱得過股災,仲經過之後嘅地產市道不景氣,一直到今日仍然屹立不倒,穩居藍籌之列,並各自發展成大型綜合企業。

集團一路發展,業務會變得繁多雜亂,甚至分屬不同行業,如各分支表現參差,投資市場較難分析公司業績,亦難以將不同行業嘅估值方法一齊衡量,因此會出現「綜合企業折讓」,拖低估值。綜合企業進行業務重組,通過不同上市公司持有類近業務,會令架構清晰啲,投資者較易區別,可以釋放業務分支嘅潛藏價值。投資者亦好熱衷於發掘分拆概念股。

以新世界為例,新世界發展(0017)主力香港物業發展與投資,旗下持有新創建(0659)六成二權益,以及新世界百貨(0825)七成五股權,另全資擁有新世界中國。其中新創建喺中港兩地發展基建和服務業,範圍日益廣泛,當中有道路、環境、物流、航空(商務飛機租賃)、設施管理(包括醫療)、建築及交通(渡輪、巴士)。加上公司於一八年十二月宣布收購富通保險,將來業務更多,其中又隱藏咗幾多價值?

富通嘅收購仍在進行中,擇日再談。其他業務之中我有興趣講吓航空同醫療。商務飛機租賃需求不斷增加,但所需資本龐大,進入市場門檻高。新創建持五成股權嘅商務飛機租賃公司Goshawk,以較新型號及機齡較年輕、燃油效率高嘅窄體飛機喺市場佔一席位。公司在一八年七月宣布訂購四十架飛機,又在九月完成Sky嘅收購,機隊規模擴大至二百一十六架(包括自有、代管及已訂購),平均機齡三點七年,平均剩餘租賃期六點九年,並獲評為全球十大飛機出租公司之一。

航空業務在一八(六月底止)財年錄得經營溢利六點九五億港元,受到減持北京首都國際機場並將其重列為可供出售金融資產影響,業務溢利仍升百分之十四。一九財年將撇除機場貢獻,到時可睇吓飛機租賃業務嘅獨立盈利能力。

至於佔四成權益嘅港怡醫院,一八年三月正式營運,主打中產市場,共五百個牀位,並將會喺今年增設綜合醫療診所。雖然醫院錄得前期經營虧損,但病人數目逐漸上升,而且獲評為二○一七粵港澳大灣區最佳醫院五十強,相信能受惠大灣區發展,現時透過聯營公司喺北上深圳營運九個醫療中心。新世界發展執行副主席鄭志剛(Adrian)大力推動醫養合一,我期待新創建醫療可以同母公司有協同合作。

新創建旗下業務不乏分拆、剝離重組或系內合作概念,假如當中價值能得到釋放,對股價會有支持,可以留意。

假如新創建旗下業務當中價值能得到釋放,對股價會有支持,可以留意。