林穎彤拍拖又斷正

現年二十六歲、入行十年嘅林穎彤（Bella），簽約何哲圖旗下嘅星夢娛樂，將轉型做歌手；不過新歌都未見有，佢已經火速搭上「巨聲幫」出身、同公司嘅小鮮肉伍富橋（Alvin），兩人仲不時畀人影到出雙入對，之但係佢哋仍死口唔認拍拖囉。

日前，東姑又喺銅鑼灣希慎廣場，一間名牌集中嘅百貨公司，遇到佢哋拍拖shopping。Bella喺化妝品專櫃揀唇膏，而Alvin就好體貼，喺女友身邊幫佢揀色陪佢買嘢，最後，仲係由男方拎去收銀處度畀埋錢。睇嚟，佢對女友都照顧到加零一。既然兩人關係咁甜蜜蜜，點解唔大方公開戀情呢？o依家都冇拍拖影響事業呢支歌唱，地下情都out晒啦！

Bella同Alvin玩地下情唔認拍拖，但係就畀東姑撞到佢哋拍拖去shopping，仲係女方買唇膏、男方負責畀錢，關係不言而喻！

Alvin係無綫今期力捧嘅小鮮肉，除咗派歌，仲推佢拍劇，而早前佢亦喺東華三院個慈善騷度，打頭陣表演唱歌。