為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 03 月 13 日

李彩華闊太歎tea

早前情人節,李彩華(Rain)忽然喺社交網自爆婚訊,透露喺今年二月二日,已經同內地男Eric Huang領咗結婚證。據講,佢老公大有來頭,喺內地經營鋼鐵生意,係一個年輕企業家;同埋,Eric嘅家族除咗有成員喺中央政府工作之外,仲擁有價值十一億港元嘅四合院,身家肯定唔嘢少。

早前下午大約四點鐘,東姑就喺中環一間酒店,發現Rain同埋一個女性朋友high tea。當日,一臉春風嘅佢睇嚟好風騷,一邊歎住香檳、一邊似向朋友分享佢新婚嘅喜悅,仲講到手舞足蹈,好傾到傍晚先捨得走。而離開時,東姑就發現佢周身富貴,除咗豪派一百元貼士畀酒店門僮之外,孭嘅係價值三萬蚊嘅名牌手袋,同埋揸嘅平治靚車,掛咗佢英文名縮寫「RL」加生日日期嘅自訂車牌,可見佢榮升闊太,生活更富貴。

本身已經係小富婆嘅Rain,嫁咗畀內地有米老公之後,生活更加似闊太,同朋友喺酒店歎high tea。

 

外表睇落着得幾casual嘅佢,手袋係價值三萬幾蚊嘅Chanel。