為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 03 月 05 日

關慧玲

《東周刊》社長兼總編輯。

四個小生去跑步

上周六去咗崇基學院和中大醫學院合辦嘅春日緩跑,偶遇警務處副處長(行動)鄧炳強,佢約咗三個大學年代已經識嘅中大老友一齊跑,包括前警務處助理處長(刑事)鍾兆揚(Stanley),前投訴及內部調查科總警司張建光(KK),同埋前警察學院副院長鄭德明(Eric)。

筆者立即明查暗訪,原來四個小生都係運動猛將,Stanley曾係警隊籃球會主席,Eric是網球會主席,而KK就係龍舟健將。鄧Sir樣樣運動都鍾意,近年則好跑步,農曆年期間至參加完警隊的周年竇文杯十二點五公里長跑,與同事打成一片。

鄧Sir八七年社工系畢業,沒有當上社工即考入警隊做督察,「Eric係中大師兄,Stanley和KK就住埋同一宿舍。他倆先考入警隊,我畢業時,梗係問佢哋意見點樣考幫辦。」鄧Sir說,跟這班朋友認識了差不多三十年,從前在警隊時並肩作戰,o依家佢哋退了休,得番佢一個繼續在警隊服務。

問到有無一齊做運動,佢就話當年各有各忙,聚埋多數為工作;反而近年三人退休後,多咗時間出來聚會。搞咩活動都係其次,都係找個理由大家出來聚吓。好像今次春運跑,便是由KK發起,之前大家練咗一次就去馬。周六賽完後,幾個小生繼續去飲茶吹水吹足兩個鐘。

鄧Sir雖然都係運動中人,估唔到佢讀大學時原來更鍾情話劇,玩足四年崇基劇社,由一年級執頭執尾做起,到當上劇社主席,仲試過做男主角和導演的滋味。玩劇社的人一般都十分投入,為了套劇可以幾星期通宵達旦,鄧Sir笑話佢都係咁,傾起當年種種,佢十分回味,話四年大學真係人生分水嶺。

現為警隊內一人之下、三萬人之上的鄧炳強,是未來一哥大熱,預料今年年底再上層樓,是為繼李明逵後,另一位出自中大嘅一哥。佢倒是十分貼地,係警隊第一個高層將自己社交網帳戶公開,工餘去跑步、旅行,佢都會分享吓。

講番今次春日緩跑,係自○一年起,由崇基學院及中大醫學院合辦,由威爾斯醫院跑去崇基嶺南運動場,路線唔難跑,不過講明五公里,但睇番隻表其實有接近六公里咁多,跑十公里的一組,唔知係咪等於跑了十一公里呢。

呢張四個小生跑步相極之珍貴,左起鍾兆揚、鄭德明、鄧炳強和張建光。