為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 02 月 25 日

莊端兒「掃街」守護胸前

身材出眾嘅莊端兒(Xenia),代表作品唔多;不過佢喺網絡界,特別係「巴打」討論區,就有相當高嘅人氣,仲封佢做「Double May」,意指「大波妹」。早前,東姑就喺新蒲崗見到佢同一個女性朋友,一齊企喺小巴站等車,搭小巴山長水遠入到葵涌。原來,佢嘅目的地竟然係人氣嘅「掃街天堂」,被簡稱「葵廣」嘅葵涌廣場。

到埗後,佢先入咗一間手機舖,遞部電話畀店員問呢問路,搞完一輪就放低咗電話同埋錢,睇嚟係攞部手機嚟維修。既然一場嚟到「葵廣」,佢又點會唔食吓呢度出名嘅「掃街」名物;隨即,佢就走入商場嘅食街逛逛。由於食街實在顧客太多,人頭湧湧,東姑見佢都好醒目,一路以雙手掩護胸前重要部位。佢先係幫襯買咗碗撈冷麵,仲「入鄉隨俗」揸住碗麵邊行邊食。睇嚟,佢食完都仲未夠喉,之後再戰一間米線檔口,同朋友坐正門口慢慢歎,都相當好胃口吓。

東姑所見,雖然佢着到一身紅色tone,紅卜卜好喜洋洋、好搶眼吓,但係全程竟然都冇乜人認得,就連男性後生仔、佢嘅目標fans羣,都冇幾個認到佢。鬼咩!佢嗰日着件平平無奇嘅長袖tee,真係太平平無奇,收埋晒佢啲個人長處,真係好易走漏眼o架!

喺林敏驄導演嘅賀歲片《如珠如寶》中,莊端兒有超性感嘅出浴場面。

 

邊行邊食嘅莊端兒,不忘以雙手掩護胸前,避免人多迫親「咪咪」。

 

去到人氣嘅「掃街天堂」,莊端兒都忍唔住幫襯,買咗碗撈冷麵嚟食。

 

雖然佢襯晒成身紅色系又靚靚女女,不過全程「掃街」,居然都冇半個男性「巴打」認得!

 

食完成碗冷麵似乎只當係餐前小食,之後佢同朋友再坐低食米線。