為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 02 月 27 日

諸葛紫岐偷閒「血拼」

為咗培育五歲嘅資優囝囝薛華韜(Arthur)成為「學霸」,諸葛紫岐(Marie)幫佢同時入讀兩間幼稚園,上午返完銅鑼灣本地學校後,下午接連往北角國際學校上堂。唔好以為Marie係虎媽,佢同東姑講,讀兩間係囝囝自己揀o架。Marie坦言:「其實,本來我想佢讀本地嗰間全日班嘅,但後尾佢又考到國際學校,所以畀個仔自己揀,佢好有自主權,最後佢選擇分開上下午返兩間,即係等如返全日囉,其實佢返得開心就得喇!」

平日為咗囝囝仆心仆命,Marie梗係要留番啲私人時間畀自己啦!「血拼」係女人嘅天性,東姑日前就喺銅鑼灣崇光百貨嘅護膚品部,發現到佢嘅芳蹤。平時Marie好多贊助,所以佢揀品牌嘅時候都好小心,走去櫃枱了解咗好耐,結果都冇買。「諸葛公主」難得偷閒出巡,結果乜都買唔到,難怪佢冇乜笑容啦!

難得唔使湊仔,Marie一個人出動去銅鑼灣崇光百貨「血拼」。

 

Marie應該有啲心水貨品想買,可惜問店員要乜冇乜。

 

行咗幾間都冇收穫,Marie似乎不是味兒。