為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 02 月 26 日

黃翠如點陸永嫂看車

黃翠如同農夫嘅陸永權(陸永)同埋鄭詩君(C君)向來老友鬼鬼,C君嚟緊結婚,仲講到明會叫埋翠如做兄弟,就知佢哋幾friend到打band啦!最可貴嘅係,佢哋連對方嘅另一半,都可以玩得埋,包括:翠如老公蕭正楠、C君嘅未婚妻黃天頤,仲有陸永嫂Reina,三pair人不時相約出嚟見面飯局。

早前下晝三點幾,東姑就巧遇翠如,揸住佢部黑色Mini Cooper座駕落到九龍城,可憐佢兜咗好耐又等咗好耐,都搵唔到位泊車,見佢最後迫於無奈,惟有double park喺馬路中心。

當佢落到車,東姑先見到佢當日原來着得幾騎呢,頭戴一頂cap帽、腳着一對涼鞋,而身上就着住一件長過膝嘅黑色雨衣。奇就奇在當日連半滴雨都冇落過,唔通呢啲fashion嘢,東姑見識太少?所以唔識欣賞。

之後,翠如仲同泊喺埋綫嘅白色私家車司機,打晒招呼兼有講有笑。東姑望真原來對方係陸永老婆Reina,翠如匆匆講咗幾句,跟住就行咗去附近買珍珠奶茶飲。斷估佢係交代陸永嫂幫忙睇住架車,免得阻住條路,或者畀阿sir抄牌喇!難得,老友嘅老婆都可以任差遣,畀你恃熟賣熟,呢啲先係真正朋友呀!

Double park喺馬路中線嘅翠如,落車後,同陸永嫂Reina講咗幾句,應該係拜託對方幫忙睇車。

 

跟住佢就行咗去附近嘅一間舖頭,原來佢係去買珍珠奶茶飲。

 

等緊飲品期間,佢仲不斷傳語音短訊,應該係向老公蕭正楠報告行蹤,免得honey掛心!

 

唔到十分鐘時間,翠如就買完嘢飲返上車,臨走前冇唔記得陸永嫂,都識講完唔該先再講bye,可惜冇買多杯嘢飲慰勞對方囉。