為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 02 月 23 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

遠洋集團建築健康

我哋成日講愛回家,事實上屋企係休息以及和家人生活嘅地方,可以話同身心健康有莫大關係。我早前同遠洋集團(3377)管理層傾開偈,非常認同佢哋嘅企業理念。公司以「品質、健康、專注、共享生活」作為發展概念,從一眾地產發展商中突圍而出,而四大理念之中,公司更將重心放喺「健康」之上。

地產商大多着重樓宇質素、實用性等範疇,將健康理念融入房產發展並不多見,不過實在大有道理。有一句話「You are what you eat」,好多人都奉行食出健康,同樣「You are where you live」,屋企係我哋工作以外逗留最多嘅地方,不少研究都指家居環境同健康關係密切。哈佛大學喺二○一五年進行過一項實驗,二十四位參加者喺傳統和綠色建築裏面逗留六個工作日,之後測試認知能力,發覺喺綠色+建築物生活嘅參加者認知分數比傳統建築物高六成一,綠色++嘅更加高出一倍,大學總結認為係室內空氣質素影響咗人嘅精神健康。

喺內地,人均GDP上升,消費逐步升級之餘,亦興起綠色和健康生活概念。十九大報告都提出過「經濟要發展,健康要上去」,指健康係影響幸福嘅主要因素,遠洋嘅「建築健康」理念不但可以達到品牌差異化,仲可以提升住戶嘅幸福水平。

健康係一個整體概念,涵蓋身體、精神、社交,甚至心靈健康,但點樣入手同衡量?遠洋認為建築健康應依循一套科學化系統。美國公司Delos提出全球第一套為建築物使用者而訂立嘅衞生健康建築標準「WELL」,對空氣、水、養份、光、體格、舒適程度和精神等影響健康和幸福嘅主要因素,進行量度、認證及監督。遠洋係內地採用WELL標準嘅先行者,並用三年時間將呢套國際標準結合實證和醫學,同時配合中國用戶需求和成本效率等,研發出獨有嘅健康建築體系。

呢個建築體系已經喺公司二十二個城市,四十個項目中應用。為推動理念,公司喺北京建立遠洋盈創健康產業園,一七年二月,全球第二個WELL人居實驗室宣布落戶於此,日後會研發更高精準度嘅環境控制,以及解决內地特定氣候、環境和文化習俗下形成嘅室內環境挑戰。相信研究成果能幫助公司朝人居健康方向進一步發展。

遠洋集團主業係物業開發,其中針對「青年新建」和「中年成熟」兩大客戶群,開發剛需房和改善房。青年新建代表欲買樓自住嘅年輕人,而後者係想改善居住環境而換樓嘅業主。兩者好似唔相關,買家要求同着眼點亦唔同,但公司認為業主對第一層樓印象最深刻,如果買樓同居住經驗好,對公司品牌會更有信心,將來想換樓會有更大機會買返公司嘅物業,可以話係連鎖鋪排。

內地「房住不炒」同其他樓控政策影響下,遠洋一八年全年賣樓成績仍然不俗,累積協議銷售額逾一千億元(人民幣,下同),按年升五成五;累積銷售面積超過五百萬平方米,升近四成,每平米均價約二萬一千二百元,升一成二。住戶live well同公司sell well確實息息相關。

遠洋集團以「品質、健康、專注、共享生活」 作為發展概念,從一眾地產發展商中突圍而出,研發出獨有嘅健康建築體系。