為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 02 月 20 日

王君馨慳家買三房

王君馨之前同東姑講,老公嚟咗香港之後,變咗一個購物狂,所以要增加儲物空間,一直密謀搬大屋,落力工作賺錢買三房單位,佢仲話有成日睇樓:「努力緊,香港樓價太高,之前同老公去抽樓花,心情好似買六合彩咁,嚇餐飽,同老公諗住買間細細哋嘅投資,都搞成咁,就算有錢都買唔到樓,都係儲啲錢先。」樓市開始下滑,儲定錢就啱啦!

為咗買樓,王君馨慳得一蚊得一蚊,平時出入都係搭港鐵。早排,東姑就喺銅鑼灣站撞到佢同助手一齊,當時因為係繁忙時間,四周圍都好嘈,為咗要助手聽得到,王君馨愈講愈大聲;期間,佢揸住部電話同助手研究點樣搭車去元朗。o依家,香港人為咗買樓,真係要慳住使,就算公仔箱花旦都係同一命運。

同助手搭港鐵,由港島往九龍嘅王君馨,利用搭車嘅時間猛搵地圖。

 

去到金鐘等港鐵期間,王君馨仲繼續同助手研究去元朗嘅路程。

 

搵完地圖,王君馨就同助手傾談,但對方就冇乜反應。

 

月前,東姑發現王君馨捉住老公去睇樓,仲同個經紀傾得好投契添!