為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 02 月 20 日

葉子楣男友猝逝靠愛犬慰藉

喺八、九十年代紅極一時、有「波霸」之稱嘅性感女星葉子楣,昔日,曾有電影公司出價近千萬游說佢露兩點,但佢堅守三點不露原則。九二年,佢邂逅著名脊骨神經科醫生呂錫照後相戀,拍畢電影《地下裁決》便絕迹娛圈,甘願當呂醫生背後嘅女人;而兩人相戀廿六年,都未有註冊結婚。

洗盡鉛華嘅葉子楣,樂享平淡生活,閒時放狗,又不時被拍得於中環及銅鑼灣拍拖,十分恩愛!早年,佢接受訪問時,就表明不會復出︰「唔會!想簡單冇壓力,覺得簡單會好開心,唔想再似以前一樣,唔習慣呀!」佢又透露唔在乎一紙婚書,自己又唔喜歡小朋友;另外,男友最鍾意佢煮嘅飯餸及靚湯。

喺電影《女機械人》片中,葉子楣雖然扮演機械人,但劇情中亦不乏女機械人想嘗試與人類交歡嘅橋段,但佢多年都三點不露。

 

葉子楣同男友相戀二十六年,早已係老夫老妻,二人早前喺中環撐枱腳,佢哋互相夾食物畀對方,好鬼煙韌。

 

當男友在講電話期間,葉子楣細心地將食物切細,十分賢淑。

 

昔日,二人不時恩愛出巡,佢曾透露佢哋喺拍拖第五年時曾分手;不過,分開好短時間便復合。

可惜,好景不常。據悉,呂醫生去年十一月乘坐飛機往美國途中,突然心臟病發猝逝;而其銅鑼灣嘅醫務所,現就交由一樣係脊骨神經科醫生嘅兒子呂浩賢打理。

原來,葉子楣同男友多年來都冇聯名物業,兩人同居嘅蔚豪苑,亦都係佢退出娛圈前以千萬元購入。至於,男友手持嘅二千多萬元診所單位以及旗下名車,全數歸兒子。據悉,痛失至愛嘅葉子楣,近月都收埋自己,靠愛犬相陪渡過難關。東姑都希望佢快啲重新振作!

有傳,葉子楣息影後,曾「拆彈」縮胸。不過,東姑見佢落街放狗時,「巨咪」依然健在,仲發福不少。

 

二人無分彼此,佢哋一直以來都喺葉子楣手持嘅跑馬地物業作同居愛巢。