為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2019 年 02 月 17 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

視帝駕到

踏入金豬年嘅首個「Paco巨星飯堂」,嘉賓梗係要更有份量,本屆視帝馬德鐘(Joe)就當之無愧啦!

開年大吉,挾獎座嘅Joe更具含金量,金豬年已滿肚大計,繼續喺演藝圈發光發熱。我帶視帝去到位於北角嘅「明珠海景」開年,全方位暢談新一年嘅新計劃。

榮升視帝後,Joe坦言仍以平常心應付工作,仲話

 

事業新開始

恭喜晒Joe!默默耕耘咁多年,終於得到獎項嘅肯定,佢喺《跳躍生命線》中表現出色,登上視帝寶座,絕對係實至名歸。「多謝!其實得獎之前,我諗都唔敢諗,啲人愈話係我,我就更加以平常心面對,費事希望愈大失望愈大吖嘛。呢套劇嘅台前幕後都好用心,個獎係大家嘅,唔止係我一個人嘅功勞。」

獲獎後嘅Joe,喺豬年已經滿腹大計。「好多工作都斟得如火如荼,主要係內地嘅劇集同網大。其實攞咗個獎,係代表我嘅事業有新開始,o依家個仔又大晒,咁我就可以更加衝得冇顧慮。」

一獎在手,肯定咗Joe嘅實力,而佢仲有「Dream Role」等待圓夢中。「我一直都係金庸先生嘅粉絲,好想飾演佢作品入面啲大俠,以前就想做楊過,o依家呢個年紀,閱歷多咗,我諗喬峰我都handle到嘅。」

我帶Joe去到位於北角嘅「明珠海景」開年,同佢暢談金豬年大計。

 

Joe憑《跳躍生命線》「在哥」一角,成功登上視帝寶座,係對佢浸淫多年嘅演技,一個重要嘅肯定。

 

 

 

卧虎藏龍($228/4件),以熟麵條包裹大蝦、龍躉腩、仿鮑魚絲、蔥及菇類,卷成圓條形再煎香,完成後淋上香濃茨汁,外層金黃香脆,內裏則藏海鮮鮮味,故名為卧虎藏龍,需要預訂。

 

竹炭流沙包($48),選用台灣食用竹炭粉,中心放入由吉士、牛油以及蛋黃製成嘅餡料。出爐後再於麵包上掃上食用金箔,令賣相更高貴。

 

鮑汁五頭鮑魚伴玉掌($588 /位),採用日本南部優質五頭鮑魚,先將鮑魚浸水十日,再以老雞、唐排及鵝腳一起熬製十二小時,令鮑魚完全吸收濃湯精華,最後配以炸鵝掌,灑上香濃鮑汁。

 

素減20磅

事業有大計,我不得不提Joe更見容光煥發。「我十個月前開始食素,唔將佢複雜化,好多人會問我食唔食蛋,所以o依家我會話,我係食最佳營養植物化學膳食,係我太太幫我設計嘅。即係以植物代替肉類,個人又會吸收到需要嘅營養。最簡單係食堅果、豆類食物而唔食肉,呢啲植物嘅蛋白質都好豐富,同食肉一樣。

「到o依家我已經瘦咗二十磅,係健康地減重,我feel到成個人都fit咗,連水腫同啲陳年呼吸道敏感都冇埋。之前搞餐飲生意嘅時候,我太瞓身,晚晚都飲好多酒,因為枱枱都係朋友,搞到冇晒自己嘅生活,o依家過得健康好多,仲有時間做自己鍾意做嘅嘢。」

Joe喺十個月內健康減20磅,除咗戒肉外,佢表示運動都相當重要。

 

除視帝大獎,《跳躍》仲囊括台慶頒獎禮六個獎項,Joe仲特別筵開八席,跟台前幕後嘅手足祝捷。

 

演技以外,Joe嘅親和力都相當強勁。

 

竹笙金魚餃($58/件),以澄麵及生粉搓成水晶皮,放入蝦肉、竹笙及甘筍,並仔細地搓成小金魚的模樣。金魚餃放入清湯中上碟,仿似池中游魚。

 

鵝肝和牛卷($268/6件),以紫菜卷起法國鵝肝、日本和牛、洋蔥、唐芹及芫莤,然後上一層薄漿炸,外脆內軟。

 

杏汁花膠豬肺湯($118/位),以雞肉、豬肺及雞腳先熬四小時,再加入自家磨成嘅濃杏仁汁,煮滾後再放進花膠,令口感更加濃稠有致,具養顏效果。

 

潮人過年菜

過年呢啲大日子,Joe話最鍾意媽媽整嘅賀年菜,「我係潮州人,媽咪過年最常整係炸芋頭,將啲芋頭切成絲再炸,真係會食到停唔到口!o依家我食素為主,所以連蘿蔔糕都要搵冇瑤柱、臘腸同臘肉嘅,都幾難搵o架。」

新年梗係另一團圓嘅好時節,Joe欣慰咁話:「過年我同太太去了澳洲,因為個仔喺嗰度讀緊書,啱啱係開學嘅時候,我哋過去先可以一家人齊人過年。」

哈哈哈!新年過後就係情人節,我預祝各位有情人甜甜蜜蜜,Sweet到日日都係情人節!

囝囝馬在驤正於澳洲讀書,Joe話新年期間到了當地同囝囝過年。

 

有太座張筱蘭提供專業意見同陪食,Joe話

 

可愛小豬嘜($42/3件),金豬年點呢個紅豆蓉餡嘅可愛豬包包,小朋友最喜愛。

 

金沙橙影蝦($168),選用緬甸13至15頭白蝦球,上蛋白醬及湖南咸蛋黃炸起,口感外脆內彈牙。配上用鮮橙榨汁調制嘅甘香橙汁,更見醒胃。

 

鮑魚白玉卷($288/6件),炸腐皮內為北菇片、鮑鱼片、豆腐片、蔥度及蝦膠,層次豐富。

 

明珠海景
地址:北角北角邨里1號北角匯東座5樓
電話:23611172