陳冠希同枱各自修行

陳冠希（Edison）自從同內地超模秦舒培生咗囡囡Alaia後；雖然，佢哋至今尚未註冊，但感情與日俱增。而做咗人父嘅Edison，不但成個人修心養性，仲變咗「炫女狂魔」嘅「暖爸」，成日喺社交網貼一家三口嘅親子相。轉眼間已一歲多嘅Alaia，又真係好精靈可愛嘅。

近年，Edison一家三口長居美國L.A.（洛杉磯）。日前，東姑嘅老死就發現，佢哋約咗友人開餐，兩人仲着住灰色情侶上衣配襯；不過，Edison席間只顧住玩手機，湊女重任就落喺女友身上。而秦舒培一坐低，即刻餵Alaia食嘢，搞到自己枱面嗰大碗飯都未郁過。睇嚟，秦舒培就有女萬事足，當日素顏嘅佢，略顯疲態，黑眼圈都好深吓。做媽媽真係唔容易，Edison要多啲愛賜女友呀！

日前，Edison帶女友及囡囡跟友人喺L.A.開餐，一臉殘樣嘅秦舒培忙住餵囡囡食嘢，而Edison則顧住玩手機。

秦舒培主力湊Alaia，身為超模嘅佢，替囡囡打扮得一樣型格。

昔日係「壞孩子」形象嘅Edison，

Edison將囡囡嘅生活點滴，上載到社交網，呢張Alaia學人做瑜伽嘅相，又真係好得意。