前年加盟無綫的楊玉梅，其實早年已轉型搞飲食及美容生意等，並經營得有聲有色。不過，隨着近年戲癮大發，拍劇之餘，又監製內地劇，就連好友甄志強（小強）召集搞慈善音樂劇《難兄難弟》，她也立即拍心口義演。

在劇中，她首度演繹芭蕾舞老師，幸好天生體格柔韌度高，平時又做開瑜伽，苦練一個半月已有板有眼。不過，她卻大呻練到傷痕累累，既撞瘀腳又有「媽媽手」。日前，負傷上陣的她，跟大班小朋友綵排，雖然已年屆五十三，但她一樣輕鬆做到一字馬，技驚四座！

考獲瑜伽教練牌的楊玉梅，身體柔軟度極高，一字馬趴地或側身掂腳趾，完全零難度。

 

真空上陣

近月，孭住兩套無綫新劇《愛．回家之開心速遞》和《飛虎之雷霆極戰》在身的楊玉梅，雖然忙到分身乏術，但她仍答允義演老友甄志強（小強）搞的慈善音樂劇《難兄難弟》，而該劇將於二月一日在屯門大會堂公演。日前，楊玉梅聯同王俊棠、雪梨、麥翠嫺及一大班小朋友一齊綵排。現場所見，是次飾演芭蕾舞老師的楊玉梅，跟大班小朋友同場大跳芭蕾舞兼唱歌，大家節拍一致，默契十足。

當日跳舞前，她早已做足熱身拉筋，又跟小朋友學習芭蕾舞的姿勢。縱使五十三歲才學芭蕾舞，但她的身體柔軟度高，由一字馬到整個人摺埋趴落地都話咁易，就連身旁的王俊棠也向她討教。自小想學芭蕾舞的楊玉梅，這趟儘管夢想實現，但其實挑戰多多。「我有練開瑜伽，另外又學咗芭蕾舞個半月，有時自己睇鏡練，跟住啲老師再糾正我。原來跳舞好講功力，我覺得最難係point toe，因為我有腳趾外翻，一路跳一路痛，有時仲跌傷，撞到膝頭一撻撻；同埋隻手呢排又有『媽媽手』，有時隻手好痛，連扣bra帶都痛。」

此外，有潔癖的她對穿着芭蕾舞衣也很糾結。「我個人好保守，雖然芭蕾舞裙已經連埋內膽，但唔着底褲，我未慣咁坦蕩蕩。我自己都買多咗三、四條芭蕾舞裙，每次着完，都即刻要洗。」不過，她表示跟大班天真爛漫的小朋友同場演出，一切的辛苦也值得。

楊玉梅的兩腳膝頭，因為練芭蕾舞而弄到又紅又啡。