為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2019 年 01 月 28 日

二手開倉 陳柏熹 Kim Chou

同樣是時裝愛好者,Moiselle太子爺陳柏熹(Harris)與星級模特兒經理人Kim Chou(周優根),早前為推廣環保概念,合作大搞二手時裝店「Classic Condo」,以低至原價一折的價錢,出售二手名牌服飾。

客人入店內尋寶,除了有機會買到十幾年前的經典古着,更分分鐘買到明星服飾。自言是購物狂的陳柏熹說:「人都係貪新忘舊,好多時買返嚟啲衫根本無着過,與其收喺櫃底,不如幫佢哋搵個新主人。我哋想以一個唔賺錢嘅角度,同其他人一齊共享呢啲靚衫,希望呢度第時可以成為一個旅遊景點。」

與Kim老友鬼鬼的陳柏熹,笑言生意長做長有:「我哋做咗十日生意,已經賣晒第一輪貨,我哋計過數,

 

一折明星衫

陳柏熹與Kim合作搞二手衫生意,籌備了半年,前周終於在南區工廈正式開業。他表示,最初只是想解決家中大量倉底舊衫的去留,「兩年前有次同阿Kim傾偈,問佢點先可以散走啲舊衫,因為屋企已經無位再擺,點知原來佢都煩惱緊呢個問題,大家嗰時就諗,不如攞啲衫去賣。」Kim在旁續說:「好多時我哋出event或者去影相,套衫着完一次已經唔會再着,但其實仲好新淨,送去堆填區真係好浪費。咁o岩有次參加一個朋友囡囡嘅生日會,有朋友送咗個Chloe手袋俾佢個女,新淨到完全睇唔出係二手貨,我就諗,不如我哋都將自己新淨嘅服飾,傳俾有緣人。」

兩人不但割愛,出售自己的舊衫,一手捧紅Angelababy、熊黛林和水原希子等紅星的Kim,更透露店內有不少旗下藝人和明星好友的衣物。「我唔想攞佢哋個名嚟宣傳,所以唔會公開衣物擁有者嘅資料,我哋相信無明星效應啲衫嘅質量都可以留住客人。舖頭入面有好多唔同年代嘅衫,有啲甚至係全新,價錢真係好抵,由原價七折,到低至一折都有,由最平六百蚊到三萬蚊不等,每星期都會換啲新貨,希望俾人新鮮感同埋物有所值嘅感覺。」

 

 

店內佔了三成都是陳柏熹提供的男裝衫,「香港啲天氣一時好潮濕,一時好乾,啲皮褸保養得唔好好易破,我攞得出嚟嘅褸,質地一定係好,同埋大部分只係着過一次。」

 

陳柏熹表示開店以來,手袋最受客人歡迎,「呢堆手袋係全新品,仲未攞出嚟賣,因為一上架就好快賣晒,我自己都睇中咗一個。」

 

全店的「鎮店寶」莫過於這條賣價$10,999的Dior連身裙,Kim說:「就算已經係舊款,但

 

情迷古着衫

之所以有源源不絕的貨源,皆因陳柏熹自十九歲開始,便迷上時裝,瘋狂時期更買過百件褸和袋。「o依家喺香港行街真係好無癮,每一樣(名牌)嘢都要成萬幾兩萬蚊,手工又無以前咁靚,就算俾得起,我都唔會想買。 我特別鍾意八十年代嘅衫,因為夠晒瀟灑,以前讀書時期,逢皮褸必掃,貪佢夠型夠威,行出嚟已經有個勢,買番以前年代嘅衫,等同買番一種回憶,係無價嘅!」

Kim同樣鍾情古着,多年來更會不時到法國古着店朝聖。「我手長腳長,喺香港好難買到衫,所以我鍾意去外國買,每次去法國,最鍾意到vintage shop尋寶,入面會搵到街外買唔到嘅嘢,或者係三十年前大師級嘅作品,每次都會令我諗起唔同年代嘅故事,有時仲會俾到我創作靈感,齋望住啲衫已經夠晒開心!」

五年前的Christian Louboutin豹紋羽毛手提袋,是Kim去ball場必備款式,執貨期間她更睇中了YSL的黑色大袋,「我出街都會攞好多嘢,攞大袋就最o岩,呢個袋又夠輕,搞到我都想買番個。」

 

 

 

Dior的小羊皮套裝,二手價$8,599,Kim力sell:「以前有排Dior興反叛style,睇落好似好斯文,着落相當有型。」

 

Kim私伙的YSL大褸,是十幾年前的經典款式,激減至$999:「只要見到呢個label已經好懷念,用嚟粗著去旅行就最適合不過。」

 

這條價值$7,099的BV透視裙曾是Kim的至愛:「呢條裙已經係十年前嘅款式, 質地依然咁好,裙擺同手袖嘅珠珠吊飾,到

 

Valentino、Stuart Weitzman等高跟鞋是女士們的搶手貨,陳柏熹說:「因為我哋啲鞋幾乎係全新,鞋底一定乾淨,以三十八碼賣得最多。」

 

原價由五千到過萬元不等的Roger Vivier高跟鞋,現只賣$1,299,Kim說:「黑色夠百搭又易襯,好快俾人搶晒。」