為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 01 月 01 日

關慧玲

《東周刊》社長兼總編輯。

香港終於有個示愛熱點

好多年前日劇《Love Generation》裏面,女主角松隆子就是在戶外一個大螢幕上向男主角木村拓哉話「我喜歡你」,有夠大陣仗的。今年情人節,香港也有個體面示愛地標,可以大大聲在全世界面前,對心儀對象表白「I Love You」。

這個以燈影組成的浪漫滿Fun地,就在中環海濱長廊。由旅發局主辦的「國際燈影節」,如今加碼再推,就是衝着情人節而來,新增唔少令人窩心嘅藝術家作品,參展藝術家來自香港、比利時、法國、以色列、印度等。其中一件由本地藝術家設計的作品很有趣,佢玩《阿飛正傳》呢套戲張國榮遇見張曼玉嘅經典一幕,佢哋就是由一分鐘朋友開始做起的。這件裝置要兩個識或唔識嘅人站進裝置內,互相對着凝望六十秒,期間燈光不停變化,加埋音樂,你的心儀對象或會對你這位「一分鐘朋友」一見鍾情。

另一件以教堂彩繪玻璃砌出唔同心形圖案的作品《愛的幾何》,在人手推動下,唔同光影把裝置上的幾何心心圖案投射到地面,展現愛的千百面。如果嫌這個太含蓄,可以直接走去《心跳回憶》裝置,在唔同顏色LED燈光轉變的心形鐵架下留影。心水清者仲可以唱埋古巨基首《心跳回憶》。這個打咭位甚受歡迎,筆者去睇當晚,已有唔少情侶煙韌合照,回想相愛一刻。

不過,筆者覺得令女仔最冧的還是那條五十米長的光影隧道,人走了進去有如入一個棉花糖似的世界,被一片粉紅色包圍,隧道兩旁以走馬燈效果展示多個粉紅色燈光的心形圖案,「冧滋滋」程度爆燈,係最佳示愛熱點。

o依家搞活動,最緊要係諗打咭位,愈多愈過癮就愈受歡迎。這個「愛與浪漫」燈光展,夠多位置畀人玩打咭,由即日至二月二十四日都有得睇。